Motorsport
Motorsport: Organizzat it-tieni rawnd tal-kampjonat nazzjonali tad-drifting

Ilbieraħ, l-Assoċjazzjoni Maltija tad-Drifting, organizzat it-tieni rawnd tal-Kampjonat Nazzjonali tad-Drifting.

L-avveniment ġie organizzat f’Ta ‘Qali, fil-parkeġġ li jwassal għad-daħla ewlenija taċ-Ċentru ta’ Fieri u Konvenzjonijiet ta’ Malta taħt xemx qalila.

Is-sewwieqa għamlu minn kollox biex juru il-kapaċitajiet tagħhom.

Andrea Fabri, iċ-Champion renjanti tad-Drifting, rebaħ it-tieni rawnd konsekuttiv permezz tal-karozza tiegħu Enemed Supra.

Marisa Grixti okkupat it-tieni post permezz tas-Silvia S14 u Dorian Galea spiċċa fit-tielet permezz tal-karozza tiegħu BMW b’magna Toyota.

L-avveniment kien ikkontrollat minn Carmelo Borg u Adrian Figallo kien il-Judge uffiċjali.

Miktub minn...
TVM Sport