Motorsport
Motorsport: Susanne Fenech tinaħatar Segretarju Ġenerali; Jesmond Mangion jinħatar Viċi President tal-Federazzjoni Maltija

Il-Ġimgħa 8 ta’ Novembru, il-Federazzjoni Maltija għal-Motorsport (MMF) organizzat il-Laqgħa Ġenerali Annwali tagħha ġewwa lukanda ewlenija fil-Furjana.

Il-President tal-Federazzjoni, is-Sur Tonio Cini waqt il-qari tar-rapport annwali, rrimarka li matul is-sena li għaddiet kienu saru ħafna laqgħat mal-Gvern u awtoritajiet biex tinstab soluzzjoni fuq l-ispejjeż li dejjem qed jiżdiedu għall-membri tal-Federazzjoni meta jiġu biex jorganizzaw il-kompetizzjonijiet tal-motorsport u dwar il-proġett tat-trakka tal-Motorsport.

Il-Federazzjoni provdiet kull għajnuna possibbli biex titwettaq il-wegħda elettorali min-naħa tal-Gvern. Is-Sur Cini kompla jgħid li l-Gvern ikkommetta ruħu għal darb’oħra waqt il-qari tal-Budget 2020, meta qal li matul is-sena li ġejja se jkun f’pożizzjoni li jagħmel pass konkret fuq dan il-proġett.

Huwa kompla jgħid li t-talbiet mis-sewwieqa Maltin taħt l-iskema tal-“International Participation Scheme” ta’ SportMalta zdiedu għal aktar min 50% min 2015 ghal-2019.  Is-sistema ta’ tqassim tal-assistenza ta’ din l-iskema qed tkun iktar ġusta wara li ġiet introdotta sistema ta’ capping mill-Federazzjoni, b’kollaborazzjoni mas-SportMalta.

Matul il-laqgħa inqara wkoll ir-rapport finanzjarju mit-Teżorier, is-Sur Pierre Sammut li kien approvat mill-membri preżenti. Wara dan Il-laqgħa għaddiet għal-elezzjoni tal-uffiċjali. Kien hemm tliet postijiet li kellhom jiġu mimlija; dak ta Viċi President, dak ta Segretarju Ġenerali u dak ta Teżorier.

Is-Sur Jesmond Mangion ikkontesta b’suċċess il-post ta Viċi President, is-Sinjura Susanne Fenech ġiet eletta bħala Segretarja Ġenerali. Ħadd ma ikkontesta l-post ta Teżorier u għalhekk ġie approvat mill-membri li is-Sur Pierre Sammut ikompli jamministra l-finanzi tal-Federazzjoni sakemm jintmela il-post vakanti ta’ Teżorier.  Il-President tal-Federazzjoni ħabbar li se tissejjaħ laqgħa straordinarja biex jimtlew il-post ta Teżorier u ta Vici Segretarju, li ġie vakat mis-Sinjura Fenech meta ġiet eletta bħala Segretarja.

Aħbar importanti waqt din il-laqgħa kienet li l-Federazzjoni ħabret li l-Onorevoli, Membru Parlamentari, l-Avukat Manuel Mallia, li kien preżenti għal-laqgħa ġenerali tal-Federazjoni, offra is-servizzi tiegħu bħala konsulent legali tagħha.  Din l-aħbar ġiet milqugħa b’mod pożittiv mill-membri preżenti.

Miktub minn...
TVM Sport
Aħbarijiet Oħra
Motorsport

Adrian Figallo, uffiċjal tal-Federazzjoni Maltija tal-Motorsport ser jiġġudika l-erba ‘rawnds tal-Kampjonat Taljan tad-Drifting ta din is-sena. Il-Kampjonat Taljan tad-Drifting 2020 tnieda x-xahar li għadda f’Parma. Din l-edizzjoni se tkun ferm…

Motorsport

L-Ispanjol Carlos Sainz sar Champion tar-Rally ta’ Dakar għat-tielet darba fil-karriera fl-età ta’ 57 sena. L-Amerikan Ricky Brabec rebaħ il-kategorija tal-muturi fuq il-Honda biex temm dominja ta’ 18-il sena li…

Motorsport

L-Ispanjol Carlos Sainz jinsab stadju ‘l bogħod milli jirbaħ id-Dakar Rally 2020. Fit-tmiem tal-istadju ta’ qabel tal-aħħar, Sainz kellu 10 minuti vantaġġ fuq il-Qatari Nasser Al-Attiyah, u ftit tas-sekondi aktar…

Motorsport

Is-Sewwieq Malti Noel Galea li jikkompeti b’mod regolari ġewwa Sqallija ġie ikkonfermat Champion tal-klassi li jikkompeti fiha. Il-Klassi hija magħrufa bħalha Grupp E2SH u Klassi 2000. Il-grupp jindika it-tip ta…

Aktar