Futbol internazzjonali
Mourinho qed jgħid li Paul Pogba huwa virus fit-tim ta’ Manchester UTD

Tkompli tisħon il-qiegħa f’Old Trafford, meta wara d-dro kontra Southampton bl-iskor ta’ 2-2, jidher li l-maniġer Jose Mourinho għajjar lill-Franċiż Paul Pogba ‘virus’ fid-dressing room. Il-frustrazzjoni tal-maniġer Portugiż laħqet livellim insapportabbli ma’ Pogba, tant li anke bagħat messaġġ lid-diriġenti tal-klabb fejn urihom ċar li qata’ qalbu minn dan il-plejer u ammetta li ma jistax isib tarf tiegħu.

Minn meta Mourinho ddeċieda li Pogba ma jibqax viċi captain tat-tim, ir-relazzjoni bejniethom marret il-baħar, imma fl-aħħar ġimgħat donnu li s-sitwazzjoni kienet ġejja għall-aħjar. Imma wara d-dro kontra Southampton, kollox reġa’ sar suf u issa kważi hemm ċertezza li xi ħadd minnhom ser ikollu jitlaq. Pogba qiegħed jinteressa kemm lill-Juventus u anke lill-Barcelona, imma Manchester UTD mistennija jitolbu somma tajba ta’ flus biex iħallu lil dan il-midfielder jitlaq.

Għal Mourinho s-sitwazzjoni xejn mhi pjaċevoli għaliex jaf li l-mannara naqra naqra dejjem nieżla fuqu, u jekk ir-riżultati ser jibqgħu ma jiġux, allura mhu ser ikun fadal l-ebda tama lanqas għall-maniġer Portugiż. Manchester United ser jilqgħu lill-Arsenal f’Old Trafford illejla, bil-Gunners ġejjin minn rebħa ta’ 4-2 fid-derby ta’ Londra kontra Tottenham Hotspur, u allura r-Red Devils bħalissa qishom kelb imweġġa’ li lest biex jigdem.

Mourinho min-naħa tiegħu donnu m’għandux aspirazzjonijiet kbar għal dan l-istaġun, tant li f’kummenti li għadda qal li Manchester United probabbli jirnexxilhom li għallinqas jispiċċaw fis-sitt post f’dan l-istaġun. Qal li hemm sitt timijiet li dejjem ser jokkupaw l-ewwel sitt postijiet fil-Kampjonat Premier Ingliż, u Manchester United huma wieħed minnhom, allura, mhemmx dubju li sal-aħħar tal-istaġun ser ikunu qabżu lill-Everton li bħalissa jinsabu fis-sitt post.

Manchester UTD jinsabu fis-seba’ post tal-klassifika u jittamaw li llejla jkollhom riżultat pożittiv fil-logħba kontra Arsenal li ser tibda fid-21:00.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Missier Neymar Jr xejjen kull spekulazzjoni li ibnu jista’ jerġa’ jingħaqad mat-tim ta’ Barcelona fi Spanja u ċaħad li sar xi kuntatt mat-tim Katalan dwar possibilment trasferiment fis-sajf li ġej….

Futbol internazzjonali

Fis-San Paolo, Napoli fallew milli għallinqas iżommu l-istakk distakk li għandhom taħt Juventus meta spiċċaw dro mat-Torino bl-iskor ta’ 0-0. F’logħba pjuttost nervuża u kkaratteriżata minn tmien karti sofor, iċ-Ċelesti…

Futbol internazzjonali

Il-leġġenda Sir Alex Ferguson ser jerġa’ jkun fuq il-bank imexxi lit-tim ta’ Manchester United għal darb’oħra, fl-20 anniversarju minn meta r-Red Devils kienu rebħu l-finali drammatika tal-UEFA Champions League kontra…

Futbol internazzjonali

Mill-FA Cup fl-Ingilterra, fil-ħames round li qiegħed jintlagħab fi tmiem din il-ġimgħa, ilbieraħ kellna tliet timijiet oħra li għaddew għall-fażi li jmiss ta’ din il-kompetizzjoni. Brighton 2 Derby 1 Fl-ewwel…

Aktar