Futbol internazzjonali
Napoli f’kaos totali.. Ancelotti jista jitkeċċa

Inkwiet kbir għall-klabb ta’ Napoli bid-diriġenza li lesta li tieħu azzjonijiet legali kontra l-players tagħha stess wara li dawn u bl-appoġġ tal-kowċ Carlo Ancelotti rrifjutaw ordni li jerġgħu jinġabru f’daqqa għar-ritiro minflok imorru d-dar, mossa li milli jidher ġiet interpretata mill-istess players Naplitani bħala mizura ta’ dixxiplina ordnata mill-klabb fid-dawl tal-perjodu negattiv li t-team għaddej minnu u li kompla t-Tlieta filgħaxija bid-draw 1-1 f’darhom fil-UEFA Champions League kontra Salzburg tal-Awstrija.

Il-players b’Ancelotti jappoġġjhom issa jinsabu f’tilwima taħraq mal-President tal-klabb Aurelio De Laurentiis, liema sitwazzjoni tista anke teskala u twassal għal konsegwenzi serji għall-Partenopej fil-kumplament tal-istaġun.

Rapporti saħansitra qed jgħidu li l-Erbgħa filgħaxija De Laurentiis kien għaddej f’taħdidiet mal-avukati tiegħu fit-tentattiv li b’mod immedjat iħassar il-kuntratt li għandu l-kowċ, fi kliem ieħor Ancelotti jisfa mkeċċi mill-kariga tiegħu bħala kowċ ta’ Napoli.

L-istess ex kowċ ta’ Real Madrid u Chelsea fost l-oħrajn wara l-partita tat-Tlieta filgħaxija kontra Red Bull Salzburg anke skarta d-doveri tiegħi milli kif jiġri dejjem jagħti ntervisti u kummenti mal-membri tal-istampa.

Dak li segwa kien terġa agħar u bla preċedent bil-players Naplitani jieħdu d-deċizjonijiet b’idejhom, minn jeddhom u kontra l-ordnijiet tal-klabb, meta fi tmiem il-partita minflok kif kienu ordnati li jagħmlu nġabru lura għar-ritiro li kien ilu li beda minn qabel il-bidu tal-ġimgħa, qabdu u b’mod separat telqu lura lejn id-dar.

Miktub minn...
Rodney Vassallo
Aħbarijiet Oħra
Futbol internazzjonali

Hekk kif irritorna l-Bundesliga u hemm ħsieb li l-Premier League jitkompla fl-20 ta’ Ġunju beda jiżdied l-inkwiet fuq il-possibilita’ ta’ żieda ta’ injuries tal-players. Skond il-Kap Eżekuttiv tal-Premier League Richard…

Futbol internazzjonali

L-Iżvediż Zlatan Ibrahimovic weġġa’ waqt li kien qed jitħarreġ ma’ Milan. Il-plejer ta’ 38 sena jidher li weġġa’ l-pexxul, u għalkemm il-klabb ma ħareġ l-ebda stqarrija, il-Gazzetta dello Sport u…

Futbol internazzjonali

Il-plejer t’Atlético Madrid Joao Felix probabbli ser jitlef ir-ritorn tal-istaġun Spanjol meta weġġa’ rkopptu waqt it-taħriġ. Il-plejer t’20 sena li sewa lil Atlético Madrid €126 miljun biex xtrawh mingħand Benfica,…

Futbol internazzjonali

Stadio Renato Dall’Ara se jiġi mmodernizzat mis-sena d-dieħla. L-istadium hu proprjetà tal-klabb ta’ Bologna fejn it-tim tas-Serie A jilgħab il-partiti f’daru. Bologna ħabbru li ntlaħaq ftehim mal-Credito Sportivo dwar l-immodernizzar…

Aktar