FILMAT: Naumowski iċaħħad lil Birkirkara mill-ewwel rebħa

KAMPJONAT BOV PREMIER 2019/20

Birkirkara…………3

Balzan………………3

Il-gowlkiper Kristijan Naumowski ċaħħad lill-eks tim tiegħu Birkirkara mill-ewwel rebħa staġjonali meta skorja gowl drammatiku għal Balzan fl-aħħar sekondi tal-logħba. Kienet partita ferm sabiħa fejn rajna xejn inqas minn sitt gowls.

Wara 6 minuti logħob Balzan marru fil-vantaġġ meta l-eks Luke Montebello b’xutt verament mill-isbaħ, tefa’ il-ballun fir-rokna tax-xibka.

Fl-14 –il  minuta żewġ tentattivi ta’ Michael Mifsud, bl-ewwel xutt ġie salvat b’diffikulta minn Naumovski u t-tieni wieħed spiċċa barra.

Fi 19 –il minuta free-kick għal Balzan li ngħata minn Correa Duarte li spiċċa ftit għoli mil- lasti ta’ Andrew Hogg.

Fil-35 minuta xutt insidjuż ta’ Luke Montebello għadda għoli, sabiex żewġ minuti wara it-tim Karkariż kiseb il-gowl ta’ dro meta Miguel Angel Alba kompla lejn Federico Falcone li b’xutt fil-baxx għeleb lil Naumovski. Ftit qabel spiċċat l-ewwel taqsima B’Kara marru fil- vantaġġ, meta xutt ta’ Miguel Angel Alba ma kienx miżmun tajjeb minn Naumovski li żelaqlu il-ballun u spiċċa ġewwa.

Fit-tieni taqsima Balzan ħarġu aħjar u fis-57 minuta huma kisbu il-gowl ta’ dro meta b’xutt mill-isbaħ Ricardo Correa Duarte minn tarf il-kaxxa ma ta l-ebda ċans lil Hogg isalva.

Fis-76 minuta wara azzjoni ta’ korner għal B’Kara, ix- xutt fil-baxx ta’ Michael Mifsud ġie imblukkat minn Naumovski bis-sieq u żewġ minuti wara xutt fuq il-ġirja ta’ Prado Caio u l-goalkeeper ta’ Balzan dawwar f’korner.

Erba minuti minn tmiem il-partita B’Kara reġgħu marru fil-vantaġġ meta ngħataw penalty. Kien Ryan Scicluna li waqqa’ lil Prado Caio fil-kaxxa u mill-11 il-metru Miguel Angel Alba għeleb lil Naumovski.

Fil-ħin miżjud Balzan kisbu il-gowl, wara azzjoni ta’ korner ta Lydon Micallef tela’ il-goalkeeper Naumovski u daqqa ta’ ras gheleb lil Andrew Hogg.

Riżultat finali : B’Kara FC 3 v Balzan FC 3.

Referee : Philip Farrugia.

BOV Player tal partita : Ricardo Correa Duarte ( Balzan FC ).

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol internazzjonali

Illejla tiġi fi tmiemha ġurnata oħra tal-fażi tal-gruppi għall-UEFA Euro 2020, fejn jerġa’ jidħol fl-azzjoni t-tim nazzjonali Malti, b’logħba away kontra l-Gżejjer Faroe. Il-logħob tal-lejla huwa dan: GRUPP D 20:45…

Futbol lokali

Jake Grech ta’ Hibernians huwa l-BOV Plejer tax-Xahar għal Awwissu 2019. Charles Azzopardi, Kap Eżekuttiv tal-PR u l-Marketing fil-Bank of Valletta ppreżenta t-trofew tal-BOV Plejer tax-Xahar għal Awwissu 2019 lil Grech li…

Ibburdjar MiddleSea

Ir-Royal Malta Yacht Club huwa mistenni  jilqa’ madwar 115-il jott għall-40 Edizzjoni tar-Rolex Middle Sea Race. Dan tħabbar waqt konferenza stampa li saret fil-Klabb aktar kmieni wara nofsinhar, biex iniedi…

Futbol internazzjonali

L-attakant tas-Senegal u ta’ Liverpool Sadio Mané tkellem dwar l-għajnuna li qiegħed jagħti lil pajjiżu u pajjiżi oħra Afrikani. F’intervista li kellu mal-kamra tal-aħbarijiet NsemWoha.com, Mané saħaq li għalih mhuwiex…

Aktar