Futbol internazzjonali
Neymar ordnat iħallas €6.7 miljuni lil Barcelona

Il-Brażiljan Neymar ġie ordnat iħallas lill-ex klabb tiegħu Barcelona, is-somma ta’ €6.7 miljuni, wara deċiżjoni tal-Qorti Spanjola.

L-attakkant ta’ Paris St Germain kien fittex lill-klabb għas-somma ta’ €43.6 miljuni, ta’ bonuses li skont hu kellu jieħu wara li ħalla Katalunja f’Awwissu 2017.

Il-Qorti ddeċidiet favur il-klabb u ordnat lill-plejer iħallas somma lura lill-klabb.

Neymar, ta’ 28 sena, jista’ jappella minn din id-deċiżjoni.

Miktub minn...
TVM Sport