Local Sports
Nhar il-Ġimgħa issir il-ħames edizzjoni tal-Gozo Sports Awards

Nhar il-Ġimgħa li ġej issir il-ħames edizzjoni tal-Gozo Sports Awards organizzata mill-Gozo Sports Board fi ħdan il-Ministeru għal Għawdex.

Fis-serata ta’ premjazzjoni jingħataw apprezzament u rikonoxximent atleti u sportivi li matul is-sena jkunu ddistingwew ruħhom fid-dixxiplini rispettivi.

Għal din l-edizzjoni hemm rekord ta’ sitta u erbgħin nomina minn tlettax-il dixxiplina. Il-kap eżekuttiv tal-Gozo Sports Board Alvin Grech fi preżentazzjoni lill-media fisser kif il-proċess tal-għażla se jkun aktar trasparenti, b’żieda fil-ġurati minn ħamsa għal disgħa u minn dixxiplini differenti.

Il-Ministru għal Għawdex Justyne Caruana uriet sodisfazzon għar-riżultati nkoraġġanti li qed jiksbu atleti Għawdxin fuq livell lokali, nazzjonali, u internazzjonali: u waqt li semmiet id-diversi skemi t’għajnuna finanzjarja lill-atleti u għaqdiet sportivi li joperaw minn Għawdex, tat rendikont tal-progress fix-xogħol fuq faċilitajiet sportivi ġodda f’Ġħawdex.

Miktub minn...
TVM Sport
.
Aħbarijiet Oħra
Local Sports

Il-Ministru tal-Isport u t-Turiżmu tal-Polonja Witold Banka mistenni jsir il-President li jmiss tal-World Anti-Doping Agency, magħrufa aħjar bħala l-WADA. Dan wara vot li ttieħed ilbieraħ u li ħallih kontestant waħdu….

Aktar