Futbol lokali
Nifs qawwi għall-Mosta ta’ Mark Miller

KAMPJONAT BOV PREMIER 2018/19

Mosta……2

Qormi……0

Mosta kisbu rebħa prezzjuża ta’ 2-0 kontra Qormi sabiex rebħu dan il-konfront dirett tan-naħa t’isfel tal-klassifika.

Kienu Mosta li ħolqu l-ewwel okkażjoni ta’ gowl fit-18-il minuta meta wara frikik ta’ Misael Miranda Gomez, kien Steven Bonnici li ndirizza xutt fil-baxx li Azzopardi laqa’ b’mod komdu.

Minuta wara daqqa ta’ ras ta’ Brincat għal Mosta wara kross ta’ Romeu sab lil Azzopardi għal darb’oħra attent.

Il-Blues meritatament marru fil-vantaġġ fit-23 minuta meta kien kross ta’ Zachary Brincat u Juri Cisotti daħal tajjeb sabiex għeleb lil Azzopardi mill-viċin.

Reazzjoni ta’ Qormi minnufih meta xutt ta’ Tensior Guzman impenja lil Andreas Vella.

Fl-24 minuta, protesti għal penalty min-naħa ta’ Qormi meta difensur ta’ Mosta seta’ mess il-ballun b’idu.

Man-nofs siegħa logħob reġgħu kienu Mosta li heddew il-lasti avversarji meta wara kross tajjeb, kien hemm semi-rovexxjata ta’ Morisco li Azzopardi laqa’ tajjeb sabiex mir-ribawnd kien Steve Bonnici li reġa’ sab lil Azzopardi jilqa’ tajjeb.

Fit-32 minuta wara kross-shot ta’ Freud għal Qormi, kien Rozzi li naqas milli jolqot tajjeb il-ballun.

Bl-ewwel taqsima tagħlaq 1-0 favur Mosta.

Fl-54 minuta Jamie Azzopardi kien superlattiv meta laqa’ tajjeb daqqa ta’ ras perikoluża ta’ Davy Angan ta’ Mosta.

U ma kinitx sorpriża li l-Mostin għamluhom tnejn meta fis-60 minuta kien Zachary Brincat li għadda tajjeb lejn Davy Angan li avvanza filwaqt li b’xutt fil-baxx għeleb lil Azzopardi.

Għall-Mosta din kienet it-tielet rebħa staġjonali li tagħtihom nifs ġdid fil-ġlieda tagħhom kontra r-relegazzjoni.

Skor finali: Mosta 2 Qormi 0.

BOV Plejer tal-Logħba kien Yuri Cisotti ta’ Mosta. Referi kien Trustin Farrugia Cann.

Miktub minn...
TVM Sport
.
Aħbarijiet Oħra
Futbol lokali

‘Forward Together’…’Flimkien ’il Quddiem’, hu l-isem tal-kampanja ta’ Bjorn Vassallo, kandidat għall-elezzjoni ta’ President tal-Malta Football Association, li se ssir fil-Laqgħa Ġenerali Annwali tal-20 ta’ Lulju li ġej. F’konferenza ta’…

Futbol lokali

Ir-referee Malti Trustin Farrugia Cann ġie promoss għal Kategorija 2 fuq il-Panel tal-FIFA. Farrugia Cann isieħeb lir-referee lokali l-ieħor Alan Mario Sant f’din il-kategorija li tfisser li jistgħu jikkontrollaw partiti…

Futbol lokali

Aktar transfer hekk kif Floriana wkoll bdew jiċċaqalqu bl-akkwisti kkordinati mill-President Riccardo Gaucci li ftit jiem ilu reġa’ ġie konfermat fil-kariga mill-Laqgħa Ġenerali Annwali tal-Greens. Floriana kkonfermaw l-akkwist ta’ Augusto…

Futbol lokali

Ikomplu l-akkwisti ta’ aktar players barranin mill-Club ta’ Balzan hekk kif dawn iffirmaw lill-attakkant mis-Serbja Stefan Dimic. Dimic, għandu 26 sena, u fil-passat lagħab mat-teams tal-Youths u anke ta’ taħt…

Aktar