International Sports
Olimpjadi 2020: L-organizzaturi jgħidu li kollox għadu skjedat b’mod normali…l-atleti frustrati bis-sitwazzjoni

L-organizzaturi tal-Olimpjadi tas-sajf li ġej, avżaw li bħalissa, l-ebda soluzzjoni li tittieħed ma tkun ideali u li kollox se jibqa skjedat b’mod normali.

L-atleti ta’ pajjiżi differenti huma inkwetati ferm dwar Tokjo 2020 u ħafna minnhom tkellmu pubblikament li dawn għandhom jiġu sospiżi mmedjatament minħabba r-riskju li jistgħu jġibu magħhom.

L-Olimpjadi mistennija jibdew fl-24 ta’ Lulju li ġej u l-Kumitat Olimpiku Internazzjonali għadu mhux jikkunsidra li jipposponi kollox.

Diversi avvenimenti sportivi kbar madwar id-dinja, bħall-EURO 2020, diġà ġew sospiżi għal dati oħra.

Iċ-Champion Olimpika Katerina Stefanidi qalet li l-Kumitat Olimpiku Internazzjonali qed ipoġġi f’riskju s-saħħa tal-atleti kollha li se jipparteċipaw.

L-Ingliża Katarina Johnson-Thompson qalet li anki t-taħriġ sar xi ħaġa impossibbli.

Miktub minn...
TVM Sport