Futbol lokali
Oliver Spiteri u Balzan FC….. daqshekk

Il-Club tal-Premier Balzan FC ħabbar permezz ta’ stqarrija li Oliver Spiteri mhux se jibqa’ aktar imexxi lit-team ta’ Balzan FC meta dan kien għad fadallu sena oħra bħala kowċ tat-team fil-kuntratt tiegħu.

Din l-istqarrija kienet il-konferma ta’ dak li diversi nies midħla fil-football lokali kienu ilhom qed jisimgħu hekk kif ir-riżultati ta’ Balzan FC fit-tielet round tal-Kampjonat BOV Premier ma kienux kif il-Kumitat kien qed jistenna. Balzan FC fallew tliet logħbiet kruċjali li kieku rebħu waħda minnhom kienu jibqgħu jisfidaw għar-rebħ tal-kampjonat sal-aħħar.

Spiteri ilu jmexxi lil Balzan FC għal dawn l-aħħar tliet staġuni fejn dejjem spiċċaw mal-ewwel erba’ postijiet fil-klassifika. Fost il-kisbiet ta’ Spiteri kien hemm it-tragward sal-finali tal-FA Trophy u l-kwalifikazzjoni storika għall-ewwel darba ta’ Balzan FC fil-Uefa Europa League l-istaġun li għadda.

Spiteri kien beda jmexxi lil Balzan mill-istaġun 2014/15 wara li kien l-ewwel iffirma kuntrat ta’ sentejn mal-Club wara li l-istaġun ta’ qabel kien safa’ relegat fl-ewwel diviżjoni mat-team ta’ Vittoriosa. F’Awwissu 2015 Balzan kienu estendew il-kuntratt ta’ Spiteri sa tmiem l-istaġun 2017/18.

TVM Sport jinsab infurmat li l-mossa ta’ Anton Tagliaferro li ingaġġa lid-Direttur Tekniku Vladimir Somovic ġimgħatejn ilu ma tantx niżlet tajjeb ma’ Spiteri. Għadu mhux magħruf jekk l-assistent ta’ Spiteri Jean Paul Desira hux se jispiċċa wkoll minn mal-Club.

Miktub minn...
TVM Sport
.
Aħbarijiet Oħra
Futbol lokali

Hamrun Spartans kontra Valletta hi partita li tqanqal memorji kbar għal dawk li jiftakru s-Snin ’80. Il-partita ta’ għada fl-istadium nazzjonali, f’Ta’ Qali, mhux eċċezzjoni. It-tensjoni fit-toroq tal-Ħamrun u tal-Belt…

Futbol lokali

Bejn illejla u għada tintlagħab l-aħħar ġurnata tal-Kampjonat BOV Premier bi programm ta’ seba’ logħbiet, b’erbgħa jintlagħbu llejla u tlieta jintlagħbu għada. Kif tista’ tkun id-dinamika tal-aħħar ġurnata tal-istaġun? Min…

Futbol lokali

Ftit sigħat qabel l-aħħar partita tal-Kampjonat BOV Premier 2018/19, it-tmien kowċis tal-erba’ partiti kruċjali li se jiddeterminaw min jirbaħ it-titlu, min jispiċċa fir-raba’ post u min jiġi relegat, tkellmu u…

Futbol lokali

Birkirkara huma ċ-champions tal-football lokali tan-nisa għat-tielet staġun konsekuttiv wara li bi draw ma’ Hibernians żammew vantaġġ li bih ma jistgħux jintlaħqu iżjed fil-quċċata tal-klassifika. Fil-partita tal-bieraħ fis-Centenary Stadium, it-tfajliet…

Aktar