Tennis
Open ta’ Wimbeldon – Angelique Kerber u Serena Williams fil-finali

Il-Ġermaniża Angelique Kerber għamlitha għall-finali tal-Open ta’ Wimbeldon, meta fis-semifinali għelbet lil Jelena Ostapenko tal-Latvja. Ostapenko bdiet twettaq żball wieħed wara l-ieħor, b’Kerber taċċetta r-rigali kollha biex għamlitha għat-tieni finali tagħha ta’ Wimbeldon fil-karriera.

Fis-semifinali l-oħra, il-Ġermaniża Julia Goerges ma rnexxiliex tagħmel dak li għamlet il-kompatrijotta tagħha, meta tilfet kontra l-Amerikana Serena Williams 6-2, 6-4. Williams irnexxielha tasal għall-10 finali tagħha f’Wimbeldon f’temp ta’ 70 minuta, fejn dejjem kienet aħjar mill-avversarja u ma tatx ċans lill-Ġermaniża tirkupra.

Il-finali tan-nisa tal-Open ta’ Wimbeldon bejn Angelique Kerber u Serena Williams tintlagħab nhar is-Sibt li ġej.

Fis-sezzjoni tal-irġiel, xejn ma kienet semifinali faċli għal Rafael Nadal kontra Juan Martin del Potro meta kien hemm bżonn jintlagħbu ħames sets, sakemm l-Ispanjol għamilha għall-finali, wara kważi ħames sigħat fil-court. L-ewwet set rebħu Nadal 7-5, imma r-reazzjoni ta’ del Potro kienet qawwija tant li rebaħ iż-żewġ sets ta’ wara 7-6 u 6-4 biex mar minn fuq. Imma Nadal, irnexxielu jirkupra u rebaħ ir-raba’ set 6-4, bil-ħames u l-aħħar set jirbħu Nadal 6-4 ukoll.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Tennis

Philipp Kohlschreiber wettaq sorpriża kbira u ħasad għal kollox lil Novak Djokovic b’sets ta’ 6-4, 6-4 fit-tielet rawnd tal-BNP Paribas Open. Djokovic, seed numru wieħed tar-rankinfs mondjali, ma dehrx fil-forma…

Tennis

Roger Federer resaq pass ieħor qrib il-mitt titlu tiegħu ATP meta lbieraħ għeleb b’mod faċli lil Borna Coric 6-2,6-2 fis-semi finali tad-Dubai Tennis Championships biex b’hekk ħa jiltaqa’ mal-Grieg Stefanos…

Tennis

Fl-Open ta’ Dubai, Roger Federer baqa’ bit-tama li jirbaħ il-100 ATP Tour tiegħu meta issa għamilha għas-semifinali wara li għeleb lil Marton Fucsovics f’żewġ sets. Il-logħba kienet ikkaratterizzata mix-xita tant…

Tennis

Fl-Open ta’ Dubai, l-Iżvizzeru Roger Federer kellu jitħabat sabiex għeleb lill-Ispanjol Fernando Verdasco b’żewġ sets għal wieħed. Federer rebaħ l-ewwel sett 6-3, imma Verdasco rrisponda fit-tieni wieħed b’6-3 għalih. It-tielet…

Aktar