Tennis
Open ta’ Wimbeldon – Rebħiet għal Federer, Bertens u Serena Williams

Tennis – Wimbeldon Open. L-Iżvizzeru Roger Federer għadu biċ-ċans li jirbaħ l-Open ta’ Wimbeldon għad-disa’ darba fil-karriera tiegħu, rekord ġdid li s’issa għadu ħadd qatt m’għamlu, dan wara li fil-kwartifinali għeleb lill-Franċiż Adrian Mannarino 6-0, 7-5, 6-4. Federer beda tajjeb ħafna, tant li f’temp ta’ kwarta din diġa’ rebaħ l-ewwel set, imma mbagħad Mannarino wettaq reazzjoni li għalkemm ta sfida denja lill-Iżvizzeru, xorta ma kienx biżżejjed.

Fis-sezzjoni tan-nisa Kiki Bertens eliminat liċ-Ċeka Karolina Pliskova, biex b’hekk l-ewwel tmien tennisti fir-rankings dinjija kollha huma eliminati mill-Open ta’ Wimbeldon. Bertens rebħet f’żewġ sets, 6-3, 7-6, biex b’hekk hija l-ewwel tennista Oldaniża li waslet sal-kwartifinali. Pliskova segwiet lil sħabha t-tennisti l-oħra, fl-ewwel ġimgħa ta’ disfatti għal dawk li kienu fl-ewwel tmien post tar-rankings.

Min-naħa l-oħra, l-Amerikana Serena Williams irnexxielha tgħaddi għall-kwartifinali wara li għelbet lil Evgeniya Rodina 6-2, 6-2. Williams, li bħalissa tinsab fis-seed numru 25 wara li kellha tieqaf minħabba t-twelid tat-tarbija, kellha bżonn ftit aktar minn siegħa biex tegħleb lir-Russa, u issa fil-kwartifinali se tilgħab kontra t-Taljana Camila Giorgi.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Tennis

Matthew Asciak u Matthew Cassar Toreggiani llum wara nofsinhar jiltaqgħu fil-finali tas-singles tal-irġiel fl-Open Tournamentt organizzat minn Birkirkara Tennis Club. Fis-semifinali tal-bieraħ Asciak għeleb lil Denzil Agius 6-1, 6-2, waqt…

Tennis

Kim Clijsters rebbieħa ta’ erba’ titli Grand Slam ħabbret li se tirritorna fix-xena agonistika wara li kienet irtirat seba’ snin ilu. Hi qalet li m’għandha ebda ambizzjoni speċjali ħlief li…

Sports Internazzjonali

It-teenager Bianca Andreescu ħasdet lil Serena Williams f’finali eċċitanti tas-single tan-nisa fl-Open tal-Istati Uniti biex rebħet l-ewwel titlu Grand Slam tagħha u ċċaħħad lill-Amerikana  minn rekord ta’ erbgħa u għoxrin…

International Sports

Rafael Nadal għadda għall-finali tal-Open tat-Tennis tal-Istati Uniti meta għeleb lit-Taljan Matteo Berrettini fi tliet sets. L-Ispanjol ta’ 33 sena, it-tieni seed fl-Open, ħelisha minn żewġ set points kontrih fl-ewwel set…

Aktar