Tennis
Open tal-Awstralja: Pliskova tegħleb lil Serena Williams u tgħaddi għas-semifinali flimkien m’Osaka

Fl-Open tal-Awstralja, fil-kategorija tan-nisa, magħrufa s-semifinalisti kollha, bl-Amerikana Serena Williams tara l-ħolma tal-24 Grand Slam tgħib fuq il-court meta tilfet kontra ċ-Ċeka Karolina Pliskova b’2 sets għal wieħed. Kienet Pliskova li rebħet l-ewwel sett 6-4, imma Serena Williams irkuprat fit-tieni wieħed u rebħitu 6-4. Fit-tielet u l-aħħar sett, Pliskova kienet aħjar u rebħitu 7-5 biex b’hekk għamlitha għas-semifinali.

Semifinali wkoll għaż-żagħżugħa Ġappuniża ta; 21 sena Naomi Osaka. Fil-logħba tal-kwartifinali hija ħarġet rebbieħa kontra l-Ukrena Elena Svitolina b’2 sets għal xejn. Ir-riżultati kienu ta’ 6-4, 6-1 biex b’hekk issa Osaka tilgħab kontra Pliskova fis-semifinali.

Is-semifinali l-oħra tkun bejn Kvitova u Collins li rnexxilhom jagħmluha għas-semifinali matul il-ġurnata tat-Tlieta.

 

Fil-kwartifinali tal-irġiel, il-Kanadiż Milos Raonic tilef kontra l-Franċiż Lucas Pouille bi tliet sets għal wieħed. Pouille rebaħ l-ewwel sett 7-6 u t-tieni wieħed 6-3. Raonic rebaħ it-tielet sett 7-6, imma mbagħad Pouille reġa’ rebaħ sett ieħor, din id-darba 6-4 u b’hekk għadda għas-semifinali.

Aktar tard, għall-ħabta tad-9:30am, is-Serb Novak Djokovic jilgħab kontra l-Ġappuniż Kei Nishikori.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Tennis

Ir-Russu Daniil Medvedev kellu wirja kbira u għeleb lil Alexander Zverev b’sets ta’ 6-4, 6-1 biex rebaħ ix-Shanghai Masters li għalih hu r-raba’ titlu tal-istaġun. Il-plejer Ġermaniż beda l-partita 4-0…

Tennis

Novak Djokovic għadda għall-kwarti tal-finali tax-Shanghai Masters wara li għeleb lil John Isner tal-Istati Uniti b’sets ta’ 7-5 u 6-2. Il-lejer numru wieħed fir-rankings mondjali ħa l-kontroll tal-partita b’services suċċessivi…

Tennis

Andy Murray irritorna wara l-operazzjoni li għamel f’ġenbu u rebaħ fl-ewwel rawnd tax-Shanghai Masters lil Juan Ignacio Londero tal-Arġentina. L-Ingliż, ex numru 1 fid-dinja, rebaħ b’sets ta’ 2-6, 6-2 u…

Tennis

Il-plejer numru wieħed fid-dinja Novak Djokovic, għall-ewwel darba fil-karriera, rebaħ l-Open tal-Ġappun. Dan kien is-76 titlu fl-Istorja. Djokovic iddomina din il-finali kontra John Millman tal-Awstralja u rebaħ b’sets ta’ 6-3…

Aktar