Futbol internazzjonali
Paris St Germain meħlusa mill-akkużi li kisru r-regolamenti tal-Financial Fair Play

Paris St Germain rebħu battalja legali kontra l-UEFA wara li kienu akkużati li qegħdin jonfqu flejjes kbar fis-suq tat-trasferimenti u fuq il-pagi tal-plejers. Il-UEFA kienet ippruvat terġa’ tiftaħ din l-investigazzjoni kontra t-tim Franċiż, bil-Pariġini mill-ewwel ħadu l-każ quddiem il-Qorti Sportiva tal-Arbitraġġ (CAS). Din il-Qorti ddeċidiet li PSG kellhom raġun fl-appell tagħhom u dan għaliex il-UEFA damet ħafna taħsibha qabel reġgħet pruvat tiftaħ l-investigazzjoni dwar dan il-każ, u allura, il-leaders tal-klassifika ta’ League Un inħelsu minn kull akkuża li kissru r-regolamenti tal-Financial Fair Play (FFP).

Kien f’Ġunju tas-sena li għaddiet meta l-Investigatory Chamber tal-UEFA’s Club Financial Control Body (CFCB) kien ħeles lil PSG minn kull akkuża li kisru r-regolamenti tal-FFP, imma aktar tard matul dak ix-xahar, iċ-chairman tas-CFCB ordna lill-Kamra Aġġudikatorja sabiex terġa’ tirrevedi d-deċiżjoni. Kien f’Settembru li għadda meta l-Kamra Aġġudikatorja reġgħet irreferiet il-każ lill-Kamra Investigatorja għal aktar stħarriġ, imma jidher li l-UEFA damet aktar minn għaxart ijiem sabiex tinvestiga u tagħlaq l-investigazzjonijiet tagħha.

Dan il-każ m’għandux x’jaqsam ma’ każ ieħor li qiegħed tinvestiga l-UEFA fil-preżent, fil-konfront tal-istess PSG, dwar il-finanzi tal-klabb fl-istaġun 2017-18. Dan kien l-istaġun meta l-Pariġini ffirmaw lill-istilla Neymar Jr mingħand Barcelona għas-somma ta’ €222 miljun, kif ukoll iffirmaw lil Kylian Mbappé mingħand Monaco.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Atlético Madrid ħabbru akkwist ieħor matul dan is-suq tat-trasferimenti. Id-difensur laterali ta’ Tottenham Hotspur, Kieran Trippier, ingħaqad mat-tim Spanjol għas-somma ta’ €22 miljun. Il-plejer ta’ 28 sena telaq minn Londra…

Futbol internazzjonali

Il-captain t’Ajax, Matthijs de Ligt, it-Tlieta filgħaxija wasal Turin sabiex jagħmel it-test mediku qabel jiffirma ma’ Juventus għas-somma ta’ €75 miljun. Iż-żagħżugħ ta’ 19-il sena li wassal lil Ajax sas-semifinali…

Futbol internazzjonali

Skont rapporti li ħerġin mill-media Ingliża u Spanjola, id-difensur ta’ Tottenham Hotspur Kieran Trippier ser jingħaqad m’Atlético Madrid. Skont id-Daily Telegraph, Trippier diġa’ jinsab fil-kapitali Spanjola sabiex jiftiehem it-termini tal-kuntratt…

Futbol internazzjonali

Illum jibda l-kampjonat Ewropew tan-Nisa ta’ taħt id-19-il sena li se jsir fl-Iskozja. Fi Grupp A hemm l-Iskozja, l-Olanda, in-Norveġja u Franza. Fi Grupp B hemm l-Ingilterra, il-Belġju, Spanja u…

Aktar