Futbol internazzjonali
Partita ta’ ħbiberija f’Ta’ Qali – Zbrojovka Brno idawru telfa f’rebħa kontra Hibernians

Partita ta’ ħbiberija_Stadium Nazzjonali

Zbrojovka Brno (Repubblika Ċeka) ……… 3
Hibernians (Malta) ……………………………. 1
Fl-ewwel minn sensiela ta’ partiti ta’ ħbiberija bejn it-timijiet Ċeki u mis-Slovakkja li ħadu sehem fit-Tipsport Malta Cup hawn Malta fil-jiem li għaddew, u erba’ timijiet mill-Kampjonat BOV Premier: propju r-rebbieħa tat-tournament Zbrojovka Brno mit-Tieni Diviżjoni Ċeka ħarġu rebbieħa fuq il-leaders attwali tal-kampjonat Malti Hibernians bl-iskor ta’ 3-1.

Hibernians fil-vantaġġ eżatt man-nofs siegħa logħob: corner ta’ Marco Sahanek: Leandro Barbosa żmarkat fil-kaxxa ż-żgħira ma kellux diffikulta’ jitfa’ fix-xibka bir-ras.

Il-goal tad-draw ta’ Brno fil-61 minuta: Bartolomeu seraq ballun lil Timothy Tabone Desira, avvanza u għeleb lil Rudy Briffa li kien daħal fit-tieni taqsima flok Hogg.

Fis-67 minuta save tajjeb tal-goalkeeper Ċek fuq xutt minn tarf il-kaxxa ta’ Jurgen Degabriele: u fl-74 minuta Brno marru minn fuq, Timothy Tabone Desira waqqa’ lil Krejci fil-kaxxa: mill-11-il metru l-captain Lukas Magera ma falliex.

Fil-81 minuta Briffa evita t-tielet goal b’intervent tajjeb fuq Jambor f’azzjoni ta’ kontrattakk. Tielet goal li wasal xorta għaċ-Ċeki b’danakollu erba’ minuti mit-tmiem meta Prichystal ikkonkluda fil-lasta minn taħt Rudy Briffa b’tap-in sempliċi.

Riżultat finali: Brno 3, Hibernians 1: ikkontrolla l-partita r-referee Eman Grech.

Miktub minn...
Rodney Vassallo
Aħbarijiet Oħra
Futbol lokali

Ir-referee Għawdxi Mario Apap inħatar bħala l-President il-ġdid tal-Malta Football Referees Association. Hu inħatar waqt laqgħa ġenerali oħra tal-assoċjazzjoni. Ishmael Barbara inħatar bħala Segretarju filwaqt li fir-rwol ta’ Viċi President,…

Futbol internazzjonali

Wolves 1  Manchester United 1 Mill-Kampjonat Premier Ingliż, Wolves ħadu t-tieni draw minn daqstant logħbiet meta f’darhom ġew 1-1 ma’ Manchester United. Kienu r-Red Devils li marru fil-vantaġġ mas-27 minuta…

Futbol internazzjonali

Brescia ippreżentaw uffiċjalment lill-attakkant internazzjonali Taljan Mario Balotelli li se jkun qed jirritorna jilgħab fl-Italja wara nuqqas ta’ tliet snin. Fl-intervent tiegħu, il-plejer ta’ 29 sena qal li jinsab kalm…

Aktar