Futbol internazzjonali
Partita ta’ ħbiberija – Rebħa għal Floriana fuq oppożizzjoni Ċeka

Partita ta’ ħbiberija_Stadium Nazzjonali

Mas Taborsko (Repubblika Ċeka) ……… 1
Floriana (Malta) ……………………………… 2
Il-progress ta’ Floriana mill-bidu tas-sena ‘l hawn ikompli jħalli l-frott hekk kif f’logħba ta’ ħbiberija l-Erbgħa filgħaxija fl-Istadium Nazzjonali huma għelbu lit-team Ċek Mas Taborsko bl-iskor ta’ 2-1.

Kollox ġara fl-ewwel taqsima: kienu Taborsko li fetħu l-iskor wara biss 5 minuti meta minn azzjoni ta’ corner, Martin N’Gimbi kellu l-ħin kollu jimmira u jitfa’ għar-rokna.

Floriana ġabu d-draw fit-18-il minuta: ġirja twila ta’ Clyde Borg li avvanza fuq il-linja xellugija u daħal fil-kaxxa, ix-xutt tiegħu kien salvat imma ma nżammx mill-goalkeeper Ċek, segwa l-azzjoni Daniel Agius li minn mat-tieni lasta tefa’ fix-xibka.

U sitt minuti wara Floriana fil-vantaġġ: kross perfett ta’ Dyama mil-lemin, Tiago Galvao da Silva żmarkat fil-kaxxa mbotta l-balljun għal ġewwa b’sidru.

Dak kellu jkun il-goal deċiżiv għax xejn aktar ma ġara wara l-mistrieħ: biex ir-riżultat baqa’ ma nbidilx: MAS Taborsko 1, Floriana 2.

Il-partita rat id-debutt ma’ Floriana tal-akkwist ġdid tagħhom mingħand Santa Luċija Brandon Paiber.

Referee kien Darryl Agius.

Il-Ħamis filgħaxija żewġ partiti oħra ta’ ħbiberija, dejjem fl-Istadium Nazzjonali: fis-6 Mlada Boleslav mis-Superliga Ċeka kontra Balzan: warajhom fit-8 ċ-champions tax-xitwa fis-Slovakkja Slovan Bratislava kontra Gżira Utd.

Miktub minn...
Rodney Vassallo
Aħbarijiet Oħra
Futbol internazzjonali

Valletta FC, iċ-champions tal-futbol Malti, ittellgħu biex jilagħbu fl-ewwel rawnd tal-UEFA Champions League kontra F91 Dudelange tal-Lussemburgu. Il-poloz ittellgħu llum wara nofsinhar, fil-kwartiera tal-UEFA, f’Nyon, fl-Iżvizzera. Ftit tal-ħin wara, ttellgħu…

Futbol internazzjonali

Michel Platini, l-ex President tal-UEFA, inżamm taħt arrest mill-Pulizija Franċiża, wara allegazzjonijiet ta’ tixħim fil-mod kif ingħatat it-Tazza tad-Dinja tal-2022, lil Qatar. L-aħbar ta’ Platini ħarġet l-ewwel fis-sit Mediapart u…

Futbol lokali

‘Forward Together’…’Flimkien ’il Quddiem’, hu l-isem tal-kampanja ta’ Bjorn Vassallo, kandidat għall-elezzjoni ta’ President tal-Malta Football Association, li se ssir fil-Laqgħa Ġenerali Annwali tal-20 ta’ Lulju li ġej. F’konferenza ta’…

Futbol internazzjonali

GRUPP Ċ Ġappun 0  Ċili 4 Iċ-Ċili fetħu l-impenji tagħhom fil-Copa America bl-aħjar mod possibbli meta fl-ewwel logħba minn Grupp Ċ huma għelbu lill-Ġappun bl-iskor ta’ 4-0. Pulgar fetaħ l-iskor…

Aktar