Futbol internazzjonali
Partitarji ta’ Chelsea jkantaw kanzunetta anti-semitika fil-konfront ta’ Tottenham H.

Wara l-logħba tal-bieraħ tal-UEFA Europa League bejn Vidi u Chelsea li ntemmet 2-2, il-klabb Ingliż wiegħed li ser jieħu l-azzjonijiet kollha possibbli kontra l-partitarji li ser jinqabdu li kantaw lirika anti-semitika f’Budapest, l-Ungerija, ilbieraħ filgħaxija. L-inċident tal-bieraħ kompla jitfa’ lit-tim ta’ Chelsea f’dawl ikrah wara li fi tmiem il-ġimgħa li għaddiet, erba’ partitarji tat-tim kienu sospiżi għaliex għaddew kumment razzjali lil Raheem Sterling.

Il-logħba tal-bieraħ f’Budapest kienet ilha li bdiet ftit minuti, sakemm grupp żgħir ta’ partitarji ta’ Chelsea, instemgħu jkantaw kanzunetta anti-semitika kontra t-tim ta’ Tottenham Hotspur. B’dawn iż-żewġ timijiet ġejjin minn Londra, hemm ċertu animożità bejn il-partitarji ta’ Stamford Bridge u dawk ta’ White Hart Lane, bil-partitarji ta’ Chelsea ħafna drabi jgħajru lil dawk ta’ Tottenham minħabba r-reliġjon u r-razza. Dan għaliex huwa fatt magħruf li t-tmexxija tal-Ispurs hija minn persuni Lhud.

Jidher li wara l-inċident tal-bieraħ, Roman Abramovich ta’ Chelsea jinsab iddiżgustat għall-aħħar, meta hu stess huwa Lhudi, bil-klabb ta’ Chelsea joħroġ stqarrija u jgħid li dak li għamlu grupp żgħir ta’ partitarji f’Budapest, ġab stmerrija fuq il-klabb. Fl-istess stqarrija, il-klabb ta’ Chelsea saħaq li ser jagħmel dak kollu possibbli sabiex il-partitarji jiġu identifikati u jieħdu dak li ħaqqhom għal din l-azzjoni bla ħsieb u bla qalb. Anke l-UEFA ser tkun qiegħda tinvestiga l-każ u qegħdin jistennew ir-rapport tar-referee qabel jieħdu azzjoni.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Gianluigi Buffon, l-ex goalkeeper ta’ Juventus u tat-tim nazzjonali Taljan, fil-jiem li ġejjin jista’ jirritorna f’daru, maċ-champions Taljani. Din l-aħbar ikkonfermaha SIlvano Martina, l-aġent ta’ Buffon li mal-istazzjonijiet Taljani ta’…

Futbol internazzjonali

Il-midfielder Spanjol ta’ Manchester City David Silva qal li se jkun qed iħalli liċ-Champions Ingliżi fl-aħħar tal-istaġun li ġej. Mistoqsi direttament mill-ġurnalisti Ingliżi jekk hux se jkun qed ikompli jilgħab…

Futbol internazzjonali

Kulħadd jaf li l-Urugwajan Luis Suarez jitqatel waqt logħba futbol. Jagħmel minn kollox biex jiskurja, u jekk kemm-il darba ma jirnexxilux isib ix-xibka, jipprova kull tip ta’ manuvra sabiex b’xi…

Futbol internazzjonali

Italja 2  Ċina 0 Gowl f’kull taqsima kienu d-differenza bejn l-Italja u ċ-Ċina, b’tal-ewwel jgħaddu għall-kwartifinali tat-Tazza tad-Dinja tan-Nisa. L-Italja fil-vantaġġ wara kwarta meta Giacinti fetħet l-iskor, u Galli rduppjat…

Aktar