Oħrajn
Pembroke Athleta aċċettati bħala membri fl-EAP Circuit

Il-Klabb ta’ Pembroke Athleta Athletics & Triathlon Club (P.A.A.T.)  bi pjaċir iħabbar li għadhom kemm ġew aċċettati bħala Klabb Membru fil-European Athletics Promotion Circuit (EAP).

Din id-deċiżjoni ttieħdet waqt id-29 Kungress ta’ l-EAP li sar fi tmiem il-Ġimgħa, ġewwa Franza.

Din id-deċiżjoni tiftaħ kapitlu ġdid fl-istorja ta’ dan il-Klabb ewlieni fil-kamp tal-atletika lokali, u hija parti mill-implimentazzjoni tal-Programm għall-Iżvilupp Sportiv intenzjonat sabiex jgħolli l-livell tal-atleti tal-Klabb ta’ Pembroke. Dan il-programm jinkludi numru ta’ inizzjattivi bħal identifikazzjoni ta’ talenti ġodda, ‘Training Camps’, ‘Coaching Clinics’, skema ta’ Sostenn għall-Athleti Elite tal-Klabb, kif ukoll il-ħolqien ta’ aktar opportunitajiet ġodda   sabiex l-atleti ta’ Pembroke jikkompetu f’meetings’ internazzjonali tal-atletika kemm barra mill-Pajjiż kif ukoll f’Malta.

Din is-sħubija fl-EAP Circuit, tippreżenta lil-Pembroke Atleta kemm bid-dritt kif ukoll bl-obbligu li jospita ‘Meeting” internazzjonali tal-atletika, bl-ewwel wieħed mistenni jinżamm nhar is-Sibt 4 ta’ Mejju 2019.  Is-Sħubija tfisser ukoll li atleti ta’ Pembroke Atleta ser ikollhom l-opportunita’ li jkunu mistiedna sabiex jieħdu sehem f’meetings’ tal-atletika barra minn Malta.

Il-‘Meeting’ ta’ Mejju li ġej ser ikun miftuħ għal atleti membri tal-EAP (Maltin u Barranin), atleti oħra barranin li ma humiex membri tal-EAP, kif ukoll għall-atleti lokali kollha, kemm fil-kategorija tal-kbar kif ukoll tal-‘Youths’. Żgur li l-‘meeting’ ta’ Malta f’Mejju li ġej ser jgħin, fost l-oħrajn, lil-atleti Maltin li ser ikunu jiffurmaw parti mit-Tim Malti għal-Logħob tal-Pajjiżi ż-Żgħar 2019, u tista wkoll tkun l-ewwel tarġa għal atleti żgħażagħ li qed jaspiraw li jipparteċipaw f’dawn l-istess logħob li ser isiru f’Malta fl-2023.

Norman Saliba (Uffiċċjal) u Steve Camilleri (Athleta), kienu preżenti waqt il-Kungress tal-EAP sabiex jippreżentaw il-proposta ta’ Pembroke Atleta għal din is-sħubija.

 

Miktub minn...
TVM Sport
.
Aħbarijiet Oħra
Oħrajn

Riżultat ta’ unur għall-iskola Maltija tal-Karate SKSM MALTA fil-Polonja fl-aħħar tal-ġimgħa  l-oħra. Tim ta’ seba’ atleti, minn 13 sa 18 il-sena, irrappreżentaw lil Malta fil-Polish Open 2019, li sar f’Szchechin,…

Oħrajn

World Pro Racing torganizza tlielaq virtwali ta’ livell għoli, tissieħeb ma’ Student Motorsport. Student Motorsport hija kumpanija li tgħin studenti li qegħdin jistudjaw fil-Motorsport, biex ikollhom esperjenzi fil-qasam tax-xogħol. Mhux…

Oħrajn

L-iżfin tal-breakdance jista’ jsir parti mill-isport Olimpiku u se jidħol fis-seħħ mill-edizzjoni ta’ Pariġi 2024. L-organizzaturi kkonfermaw li l-breakdance hu fost erba’ sports oħra li l-organizzaturi se jkunu qed jipproponu…

Oħrajn

Tifla ta’ 10 snin se tkun waqfet rekord mondjali ġdid hekk kif mill-1 ta’ April li ġej se tibda titħarreġ il-logħba tal-GO bħala plejer professjonali. Il-logħba tal-GO hi board game…

Aktar