Futbol internazzjonali
Pjanic jgħaddi mit-test mediku, mistenni jitħabbar minn Barcelona llum

Miralem Pjanic jidher li ssieħeb ma’ Barcelona b’kuntratt ta’ erba’ snin, bl-aħbar uffiċjali mistennija tingħata matul il-ġurnata tat-Tnejn. Il-plejer ta’ 30 sena huwa mistenni li jmur fi Nou Camp malli jintemm dan l-istaġun, filwaqt li Arthur ser jingħaqad ma’ Juventus b’kuntratt ta’ ħames snin.

Il-ftehim bejn Barcelona u Pjanic ilu li ntlaħaq, imma skont il-ġurnal Sport, il-plejer kellu t-test mediku f’Turin ilbieraħ u llum mistenni jitħabbar uffiċjalment mill-Katalani. Kemm Barcelona kif ukoll Juventus riedu li t-trasferiment isir sal-aħħar ta’ Ġunju minħabba kwistjoni t’accounts, biss it-Taljani ser ikollhom joħorġu mal-€10 miljuni oħra biex jieħdu lil Arthur.

Il-Brażiljan ta’ 23 sena mistenni jingħaqad ma’ sħabu għat-taħriġ matul il-ġurnata tat-Tnejn sabiex jippreparaw għall-konfront iebes kontra Atlético Madrid.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Andrea Pirlo se jinħatar kowċ tat-tim ta’ taħt it-23 sena ta’ Juventus. ‘Il Maestro’, hekk kif inhu magħruf, ġab il-liċenzja ta’ kowċ minn Coverciano stess. Hu kien irtira fl-2017. Skont…

Futbol internazzjonali

Għal xhur sħaħ kien hemm diversi għidut u spekulazzjonijiet li Lionel Messi, il-captain ta’ Barcelona, irid jitlaq lit-tim. Matul il-pandemija tal-Covid-19 l-Arġentin kien wieħed mill-plejers li attakka l-amministrazzjoni tal-klabb fil-miftuħ,…

Futbol internazzjonali

Real Madrid 1   Getafe 0 Real Madrid resqu pass eqreb viċin it-titlu meta għelbu lil Getafe 1-0. Din ir-rebħa fissret 3 punti oħra għal-Los Blancos li issa fetħu 4 punti…

Futbol internazzjonali

Atalanta 2   Napoli 0 Atalanta baqgħu għaddejjin mill-forma pożittiva tagħhom meta laqgħu lil Napoli u rebħulhom 2-0 biex issa kważi ċerti minn post fiċ-Champions League fl-istaġun li ġej. Il-gowls kienu…

Aktar