Premier Ingliż: Liverpool fl-ewwel post

Kienu żewġ goals minn żewġ penalties skorjata min Steven Gerard li taw rebħa oħra għall-Liverpool sabiex issa r-reds reġgħu quddiem fil-Premiership b’74 punt, żewġ punti vantaġġ fuq Chelsea bl-istess amont ta’ logħob.

Steven Gerrard skorja l-ewwel penalty fl-44 minuta iżda kien Guy Demel li ġab id-draw għall West Ham għal 1-1.

Iżda Liverpool ma inħakmu mill-ebda paniku baqgħu jattakkaw u jilgħabu l-logħba tagħħom huma regġħu ingħataw penalty ieħor fil-71 minuta u għal darb’oħra Gerrard ma
falliex għal skore finali ta’ 2-1.

Fil-logħba li ntlagħbet iktar qabel Arsenal sofrew telfa away ta’ 3-0 għand Everton.

Il-Blues issa telgħu bi 63 punt fil-klassifika u komplew isaħħu l-ħames post fil-klassifika u kważi ċerti min parteċipazzjoni Ewropeja għal staġun ieħor.

Everton marru fil-vantaġġ fl-14 -il minuta permezz ta’ Steven Naismith.

It-2-0 wasal minn Romelu Lukaku fl-34 minuta u s-siġil finali wasal min own goal ta’ Mikel Arteta mas-siegħa logħob għal skor finali ta’ 3-0. Issa Everton jinsabu punt biss taħy l-istess Arsenal b’logħba inqas.

 

Miktub minn...
TVM Sport
.