Futbol internazzjonali
Premier League Ingliż: Telfa xejn mistennija għal Manchester Utd; Liverpool jegħlbu lil Southampton

Premier League Ingliż: Tliet partiti oħra llum mis-27 ġurnata tal-Kampjonat.

Telfa xejn mistennija għal Manchester United li barra minn darhom kontra Newcastle, f’St James Park, tilfu bl-iskor ta’ 1-0. Il-gowl tar-rebħa għal Newcastle jiskurjah Matt Ritchie fil-65 minuta.

Rebħa ta’ 2-0 għal Liverpool barra minn darhom kontra Southampton. Roberto Firmino fetaħ l-iskor wara 6 minuti logħob u Mohammed Salah għalaq il-konfront qabel il-mistrieħ.

Fl-ewwel partita li ntlagħbet fis-1.00pm, rebħa importanti għal Huddersfield Town li f’darhom għelbu lil Bournemouth bi skor ta’ 4-1. Pritchard fetaħ l-iskor għal Huddersfield wara 7 minuti logħob u Stanislas ġab id-draw fl-14-il minuta. Mounie reġa tefa’ lil Huddersfield fil-vantaġġ fis-27 minuta. Fit-tieni taqsima, Huddersfield żiedu żewġ gowls oħra. Reġa kien Mounie li għamilhom 3-1 fis-66 minuta u La Parra skurja r-raba’ gowl minn penalty fid-90 minuta.

Għada t-Tnejn fid-21.00, fi Stambford Bridge, Chelsea jilqgħu f’darhom lil West Brom.

Miktub minn...
TVM Sport