Futbol internazzjonali
Qiegħda tmut it-tama li Emiliano Sala u l-pilota jinstabu ħajjin

Bil-mod il-mod qiegħda tmut it-tama li l-plejer Emiliano Sala u l-pilota tal-ajruplan li għeb nhar it-Tnejn li għadda billejl, jinstabu ħajjin. Wara ġurnata oħra ta’ tiftix li rriżultat fin-negattiv matul il-ġurnata tal-Erbgħa, il-pulizija ta’ Guernsey ammettiet li bil-mod il-mod qiegħda taqta’ qalbha li ser issib lil dawn iż-żewġ persuni ħajjin. Matul il-ġurnata tal-Erbgħa, kien hemm it-tama li Sala u l-pilota jinstabu fuq life raft li kien hemm fuq l-ajruplan, imma kemm l-ajruplani u anke d-dgħajjes li fittxewhom, s’issa ma kellhom l-ebda riżultat, la tal-ajruplan u lanqas tal-individwi.

Il-gruppi differenti li kienu qegħdin ifitxxu fil-baħar, kienu qegħdin jiċċekkjaw ritratti meħuda mis-satellita kif ukoll qabblu dan kollu ma’ informazzjoni li kellhom tal-mobiles tal-pilota u tal-plejer, fejn jidher li Sala bagħat messaġġ lill-familjari tiegħu fejn fih kien jinħass evidentament imwerwer. Wara aktar minn 40 siegħa mitlufin, it-tama bdiet tbatti li xi ħadd minnhom jista’ jkun għadu ħaj meta wieħed iqis anke t-temperaturi baxxi li hemm fil-baħar tal-Kanal Ingliż.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Marcelo Brozovic, il-plejer Kroat ta’ Inter, kellu l-liċenzja tas-sewqan irtirata wara baqa’ għaddej minn fuq it-traffic lights meta kienu mixgħula fuq l-aħmar. L-aħbar ħarġet fil-media Taljana. Brozovic twaqqaf mill-Pulizija fiż-żona…

Futbol internazzjonali

Il-partitarji Spanjoli fakru l-10 anniversarji mir-rebħ tat-Tazza tad-Dinja fl-2010 fl-Afrika t’Isfel bi stiel differenti mis-soltu, b’ħafna tatoss ma’ ġisimhom u lebsien maskri protettivi kontra l-coronavirus. It-Tazza tad-Dinja li nħarġet għall-wiri…

Futbol lokali

Il-plejer internazzjonali ta’ Malta tat-tim tan-nisa Emma Louise Lipman ingħaqdet mal-klabb Taljan ta’ Lazio. Lipman iffirmat kuntratt ta’ sena, b’opzjoni li jiġġġedded. Lipman twieldet fl-Ingilterra iżda għanda dixxendenza Maltija u…

Futbol internazzjonali

Norwich City saru l-ewwel tim tal-Premier League Ingliż li ġie relegat wara li lbieraħ tilfu f’darhom kontra West Ham bi skor ta’ 4-0. Il-gowls tal-Hammers waslu kollha minn Michail Antonio….

Aktar