Sports Internazzjonali
Rafael Nadal diġa’ fassal il-futur tiegħu wara l-karriera tat-tennis

Għalkemm kienu diversi dawk li spekulaw li Rafael Nadal jista’ jkun ser idendel ir-rakketta tat-tennis dalwaqt, l-istess tennist Spanjol żvela li għalkemm għandu 32 sena, xorta waħda qiegħed jistenna li jikkompeti fl-ogħla livell għal ftit snin oħra. Nadal jinsab biss tliet Grand Slams ‘il bogħod mir-rekord tal-Iżvizzeru Roger Federer qabel jibda l-Open tal-Awstralja, u issa jittama li wara xhur imweġġa’, jirritorna fl-aqwa tiegħu sabiex jirbaħ l-ewwel Open tas-sena.

Is-seed numru 2 bħalissa, mhuwiex jippjana li la jirtira mit-tennis ikompli fil-karriera ta’ kowċ, bħalma għamlu Andre Agassi u Ivan Lendl qablu. Il-ħsieb tiegħu hu li jiffoka ħinu kollu fuq il-fondazzjoni tiegħu stess u proġetti oħra.

F’kummenti li ta lill-media, Nadal qal li diġa’ għandu kollox ippreparat għall-futur, fejn għandu l-akkademja tiegħu tat-tennis, għandu fondazzjoni, kif ukoll hemm diversi affarijiet madwar id-dinja li jixtieq li jieħu ħsieb meta jtemm il-karriera tat-tennis. Nadal saħaq li huwa mhuwiex it-tip ta’ bniedem li la jirtira ser joqgħod id-dar u forsi jmur jistad jew inkella kuljum imur jilgħab il-golf.

Huma ħafna t-tennisti li wara li jtemmu l-karriera, jispiċċaw jilagħbu l-golf għall-gost, biss Nadal jammetti li huwa qatt ma tgħallem kif għandu jilgħab dan l-isport, u meta ġieli kellu ċ-ċans jilagħbu, dejjem mar mal-ħbieb sabiex jieħu pjaċir. Qal, li mhux darba jew tnejn li spiċċa jilgħab ftit golf biex jirrilassa d-dar tiegħu stess, mingħajr kompetizzjoni u ndħil ta’ ħadd.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Il-mara tal-ex champion tal-Formula 1 Michael Schumacher tkellmet dwar is-saħħa ta’ żewġha u f’kummenti li tat waqt intervista reġgħet xegħlet it-tama li s-sewwieq Ġermaniż jista’ jkun li qiegħed jirkupra tajjeb….

Sports Internazzjonali

Il-Prim Ministru Kanadiż Justin Trudeau ħareġ jiċċelebra flimkien ma’ 2 miljun ruħ għar-rebħ tal-NBA mit-Toronto Raptors. Skont il-Prim Ministru Kanadiż, din ma kenitx biss rebħa ta’ tim, imma rebħa ta’…

Tennis

Mill-Mercedes Cup li qed tintlagħab fi Struttgart, it-tennista Taljan Matteo Berrettini kompla bil-mument pożittiv tiegħu meta għeleb lill-Ġermaniż Jan-Lennard Struff f’żewġ sets 6-4, 7-5. Berrettini rnexxielu jirbaħ l-ewwel żewġ sets…

Sports Internazzjonali

Skont il-magazine Forbes, Lionel Messi hu l-aktar sportiv li qala’ flus tul is-sena li għaddiet. Messi, li skurja 36 gowl u għen lil Barcelona jirbħu l-kampjonat, matul is-sena li għaddiet…

Aktar