Motorsport
Rally ta’ Dakar: Is-sewwieq Portugiż Paulo Goncalves imut f’ħabta kerha bil-mutur fis-seba’ stadju

Is-sewwieq Portugiż Paulo Goncalves miet f’ħabta kerha bil-mutur fis-seba’ stadju tar-rally li qed isir fl-Arabja Sawdija.

Goncalves ta’ 40 sena miet fit-13il rally tad-Dakar li kien qed jieħu sehem fiha fil-karriera minn mindu kien iddebutta fl-2006.

Hu miet wara inċident li fih sofra ġrieħi gravi, 276 kilometru mill-bidu tal-istadju bejn Riyadh u Wadi Al Dawasir.

Goncalves spiċċa mal-ewwel 10 postijiet tar-Rally ta’ Dakar erba’ darbiet.

Hu kien fl-46 post overall sal-Ġimgħa fis-sitt stadju.

Miktub minn...
TVM Sport