Motorsport
Rally ta’ Dakar: L-Ispanjol Carlos Sainz jara l-vantaġġ li kellu jonqos bin-nofs

L-Ispanjol Carlos Sainz ra l-vantaġġ li kellu jonqos bin-nofs hekk kif il-Franċiż, 13-il darba champion Stephane Peterhansel, sar ir-raba’ rebbieħ ta’ stadju differenti f’erbat ijiem.

Peterhansel, magħruh aħjar bħala Mr Dakar għas-suċċess li dejjem kiseb fuq erba’ u żewġ roti, spiċċa l-istadju ta’ 453 kilometru żewġ minuti nofs qabel iċ-champion renjanti Nasser Al-Attiyah.

Ir-raba’ stadju kien minn Neom sa Al-Ula.

Din is-sena, ir-rally ta’ Dakar qed issir kollha kemm hi fl-Arabja Sawdija wara li għall-aħħar 10 snin saret fl-Amerka t’Isfel.

Fil-kategorija tal-muturi, l-Amerikan Ricky Brabec żamm il-vantaġġ overall, żewġ minuti u nofs qabel l-Arġentin Kevin Benavides.

Miktub minn...
TVM Sport