Motorsport
Rally tal-Marokk: Carlos Sainz u Paulo Goncalves jirbħu l-kategoriji rispettivi fir-raba’ stadju

L-Ispanjol Carlos Sainz u l-Portugiż Paulo Goncalves rebħu l-kategoriji rispettivi tagħhom fir-raba’ stadju tar-Rally tal-Marokk li sar matul il-ġurnata tat-Tlieta.

Fil-kategorija tal-karozzi, Carlos Sainz spiċċa l-istadju f’ħin ta’ 3 sigħat u 33 minuta, żewġ minuti u nofs quddiem Jakub Przygonski u tmien minuti quddiem Giniel de Villiers. L-Ispanjol Fernando Alonso li fit-tielet stadju kellu jirtira minħabba ħsara fil-karozza, fir-raba’ stadju spiċċa fis-7 post, 27 minuta wara li daħal Sainz, f’wirja pjuttost impressjonanti għalih. Mhux l-istess jista’ jingħaqad għall-Qatari Nasser Al-Attiyah li kellu jirtira mill-istadju minħabba ħsarat fil-karozza u b’hekk tilef ħin prezzjuż tant li Giniel de Villiers tal-Afrika t’Isfel issa tela’ fil-quċċata tal-klassifika.

Fil-kategorija tal-muturi Paolo Goncalves kellu jitħabat biex spiċċa minuta quddiem Ricky Brabec u minuta u nofs quddiem Andrew Thomas Short li daħal fit-tielet post. Goncalves għamel ir-raba’ stadju f’ħin ta’ 3 sigħat u 37 minuta. Bir-riżultat tajjeb li kiseb Andrew Thomas Short, huwa tela’ momentarjament fil-quċċata tal-klassifika tal-kategorija tal-muturi.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Motorsport

57 sewwieq żgħażagħ, minn 8 snin sa 25 sena, ġew approvati mill-Malta Motorsport Federation (MMF) għall-ewwel fażi tal-Programm ta ’Taħriġ tas-Sewwieqa Żgħażagħ tal-FIA flimkien mal-MMF li beda mit-Tnejn 6 ta’…

Motorsport

Il-Federazzjoni Maltija tal-Motorsport tixtieq tifraħ lil Island Karting Club għall-inawgurazzjoni tal-korsa tal-karting f’Ħal Far. Il-Federazzjoni hija grata lejn kull min kien involut fosthom Infrastructure Malta għall-appoġġ tagħhom fit-tlestija ta ’din…

Motorsport

Iċ-Ċili se jkunu qed jospitaw l-ewwel tellieqa fil-kalendarju tal-Formula E, ‘the Santiago E-Prix’. L-ewwel tellieqa ssir fis-16 ta’ Jannar. Il-kampjonat itemm bl-aħħar Grand Prix f’Londra, f’Lulju. Il-line up tal-kalendarju kien…

Aktar