Futbol lokali
FILMAT: Rebħa għal Sliema Wds wara 4 telfiet, u skoss għal Ħamrun Spartans

KAMPJONAT BOV PREMIER 2019/20

Sliema Wds……………2

Ħamrun Spartans…0

It-tim Slimiż ried jirkupra minn erba’ telfiet wara xulxin kontra Sirens, Senglea A, Mosta u Hibs, fejn kienu jinsabu t-tieni post mill-aħħar b’ħames punti biss.  Min-naħa l-oħra l-iSpartans għaddejin minn żmien pożittiv peress li  jinsabu fir-raba’ post tal-kampjonat b’sittax -il punt wara li ż-żewġ timijiet lagħbu 9 partiti.

Fil-11 –il minuta kross mil-lemin ta’ Orestis Nikolopoulos pero’ Wilfried Domoraud naqas li jikkonkludi minn taħt il-lasta Slimiża. F’nofs l-ewwel taqsima Ħamrun kellhom jagħmlu żewġ sostituzzjonijiet sforzati meta weġġgħu Failla u Alhinio u flokhom daħlu  Darren Borg u Ryan Darmanin. Fid-29 minuta Sliema marru fil-vantaġġ meta Diaz Carvajal b’xutt minn tarf il-kaxxa ħasad lill-goalkeeper Debattista li spiċċa fix-xibka. Fis-36 minuta xutt ċentrali ta’ Claudio Pani u Debattista dawwar f’korner.

Fit-53 minuta korner għal Ħamrun li ngħata minn Marco Criaco u daqqa ta’ ras ta’ Nikolopoulos tispiċċa ftit barra. Erba’ minuti wara korner ieħor ta’ Criaco u xutt fil-baxx ta’ Kurt Micallef spiċċa barra ukoll. Fis-67 minuta Sliema għamlu l-iskor 2-0 meta xutt fil-baxx ta’ Zappa ġie imblukkat u mir-rebound Kurt Shaw għeleb lil Debattista. Fil-75 minuta azzjoni personali ta’ Sow Seydou tispiċċa fix-xutt finali tieghu li spiċċa barra. Sitt minuti mit-tmiem Ryan Darmanin ġie wiċċ b’wiċċ ma’ Elezaj pero’ l-attakkant Ħamruniż spara ferm għoli.

Riżultat finali: Sliema W. 2 v Ħamrun 0.

Referee:  Alan Mario Sant.

BOV Plejer tal-partita: Juri Cisotti (Sliema W.)

Formazzjonijiet:

Sliema W: E.Elezaj , A.Satariano, K.Shaw, J.Pearson, J.Mintoff, C.Zappa, J.Cisotti, R.j.Carvajal, E.Agius, S.Seydou, C.Pani.

Ħamrun S: J.C. Debattista, T.Caruana, V.Alhinio, J.Soares, W.Domoraud, C.Failla, N.Leone, M.Ciarco, K.Micallef, O.Nikolopoulos, M.Cinquini.

 

 

Miktub minn...
TVM Sport
.
Aħbarijiet Oħra
Futbol lokali

Masters football: F’Tournament internazzjonali f’Londra il-bieraħ telfa ta’ 4-2 għas-selezzjoni Maltija kontra Royal Marines. Sa tmiem l-ewwel taqsima l-iskor kien dak ta’ 2-2 iżda l-Maltin qalgħu żewġ goals oħra fit-tieni…

Futbol lokali

Grupp F – Logħob ta’ Kwalifikazzjoni EURO 2020 Spanja………..7 Malta…………0 Spanja saħħew posthom fil-quċċata ta’ Grupp F meta mingħajr ebda diffikulta’ għelbu lil Malta bl-iskor kbir ta’ 7-0. It-tieni 45…

Futbol lokali

Thabbret il-mewt ta’ Dominic Grech li kellu 64 sena. Dumink, kif kien maghruf ma’ dawk li jsegwu l-futbol Ghawdxi, beda il-karriera ma’ Victoria Hotspurs fl-aħħar tas-snin sittin u baqa’ plejer…

Futbol lokali

Il-plejer ta’ St Venera Lightnings, Yau-Mun Law, inħareġ mill-isptar u jinsab lura d-dar mal-familja. TVM Sport jista’ jikkonferma din l-aħbar li wkoll dehret uffiċjalment fuq il-paġna ta’ facebook tal-klabb. Is-saħħa…

Aktar