Volleyball
Referee lokali magħżul għall-Kampjonati Ewropej tas-Sitting Volleyball 

Ir-referee internazzjonali tas-sitting volleyball Nello Calleja ġie magħżul mill-ParaVolley Europe bħala wieħed mir-referees ghall-Kampjonati Ewropej tas-sitting volleyball li se jsiru f’Budapest, l-Ungerija, bejn il-15 u l-20 ta’ Lulju ta’ din is-sena.  

Calleja, li huwa wkoll is-Segretarju Ġenerali ta’ ParaVolley Malta, se jkun jirrapreżenta lill-Assoċjazzjoni lokali matul l-Assembleja Ġenerali li se ssir matul l-istess ġranet.

Tnax -il tim se jieħu sehem fil-kompetizzjoni tal-irġiel, fejn ic-champions renjanti, ir-Russja, se jkollhom sfida biex iżommu t-titlu mirbuħ sentejn ilu speċjalment mill-Bosnja Ħerżegovina, dawn ta’ l-aħħar rebbieħa ta’ xejn inqas minn disa’ titli mill-1999 ‘l hawn.

Fis-sezzjoni tan-nisa, il-favoriti li jżommu t-titlu huma r-Russja, li bħalissa huma wkoll champions mondjali minbarra dawk ewropej.  L-akbar sfida għar-Russi għandha tiġi mill-Ukrajina u l-Italja.

Dawn il-kampjonati se jservu wkoll bħala parti mill-proċess ta’ kwalifikazzjoni għal-Logħob Paralimpiku li se jsir is-sena d-dieħla f’Tokjo l-Ġappun.

 

 

Miktub minn...
TVM Sport
.
Aħbarijiet Oħra
Volleyball

Is-Segretarjat Parlamentari għaż-Żgħażagħ, l-Isport u l-Volontarjat Clifton Grima ffirma ftehim mal-Konfederazzjoni Ewropea tal-Volleyball u l-Assoċjazzjoni Maltija biex il-programm Ewropew Play Volleyball, Grow with it, jibda jsir f’Malta. Il-programm Play Volleyball,…

Volleyball

L-isport lokali dalgħodu qam bl-aħbar ta’ niket għall-mewt ta’ Jonathan Chetcuti, plejer tal-voleyball ta’ Valletta Mapei. Chetcuti hu wkoll ex plejer nazzjonali ta’ Malta. Diversi kitbiet ta’ apprezzament iddominaw il-media…

Volleyball

Il-Finali tal-kampjonat tal-iskejjel tal-Volleyball tas-subien kif ukoll tal-bniet tal-ħdax-il sena, kienu organizzati lbieraħ, ġewwa l-Kumpless Sportiv tal-Kottonera. Dawn il-finali saru wara li f’Diċembru li għadda kienu organizzati l-logħob ta’ kwalifikazzjoni….

Aktar