Regatta
Regatta ta’ Jum il-Vitorja: Kollox lest għal spettaklu nhar is-Sibt fil-Port il-kbir

Illejla ttelgħu l-poloz tal-korsiji tat-tiġrijiet tar-Regatta ta’ Jum il-Vitorja ta’ din is-sena.

Fil-Ġnien tal-Gardjola fl-Isla fil-preżenza ta’ diversi uffiċjali tal-Clubs u qaddiefa s-Segretarju Parlamentari responsabbli mill-Isport Clifton Grima rringrazzja lill-Clubs kollha tal-impenn li jagħtu tul is-sena għal dan l-isport. Hu rrimarka kif hu ta pjaċir tiegħu jinnota li min sena għal sena il-Clubs qed jagħtu spazju lill-qaddiefa żgħażagħ bil-għan li dan l-isport tradizzjonali jibqa’ jikber fil-popolarita’ tiegħu.

Stephen Paris il-Presidnet attwali tal-Għaqda Regatta Nazzjonali u Qdief ieħor tenna li hu fil-kariga ġdida se jaħdem fuq it-tajjeb li kien hemm diġa’ fl-Għaqda Regatta iżda fl-istess waqt qal li hemm ħsieb li jsiru affarijiet ġodda sabiex jibqa’ jiżdied l-interess f’dan l-isport nazzjonali. Paris ippreżenta uffiċjalment iż-żewġ Shields kemm dik tal-Open u dik tal-kategorija B li ġew restawrati wara snin twal, bir-restawr ikun finanzjat minn Sport Malta . L-ewwel darba li ingħatat ix-Shield fir-Regatta ta’ Jum il-Vitorja kienet fis-sena 1955. L-ewwel tiġrija nhar is-Sibt tkun dik tan-nisa fuq il-frejgatini u mistennija tibda fis-1pm bil-qofol tar-Regatta jilħaq għal ħabta tal-4pm meta dak il-ħin isiru t-tiġrijiet kruċjali għar-rebħ tax-Shield.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Regatta

TVM Sport jinsab infurmat lil bħalissa għadejja negozjati mal-ex President tal-Club tar-Regatta tal-Isla Charmaine Gerada sabiex din tirritorna fit-tmexxija tal-Club. In-nixfa ta’ suċċessi fl-aħħar snin mhux biss ta’ Shields iżda…

Regatta

Ilejla TVM Sport se jkun qed iwassal xandira speċjali permezz ta’ programm fuq TVM2 tar-Regatta ta’ Jum il-Vitorja 2018. F’dan il-programm li se jibda fid-9.15pm se jixxandru t-tiġrijiet kollha li…

Regatta

Regatta ta’ Jum il-Vitorja: Hekk kif ninsabu sitt ijiem biss ‘il bgħod mill-edizzjoni tar-Regatta ta’ din is-sena TVM Sport jinsab infurmat li l-Għaqda Regatta Nazzjonali u Qdief ieħor se tkun…

Aktar