Ritorn għal Stuart Pearce ma’ Nottingham Forest

L-eks difensur internazzjonali Ingliz Stuart Pearce li dan l-aħħar mexxa lit-Tim Nazzjonali Ngliz ta’ taħt il-21 sena, mill-istaġun li ġej se jirritorna mal-ewwel klabb tiegħu bħala manager.

Propju l-Ħamis fil-għodu ħarġet il-konferma li Stuart Pearce mill-istaġun li ġej se jmexxi lill-klabb tac-Championship Nottingham Forest, wara li dan l-aħħar dawn keċċew lill-manager Billy Davies.

Uffiċjalment Pearce isir manager fis-City Ground mill-ewwel ta’ Lulju li ġej.

Sid il-klabb minn East Midlands, Fawaz Al Hasawi ikkonferma l-aħbar permezz ta’ Twitter, min-naħa tiegħu Stuart Pearce esprima s-sodisfazzjon tiegħu li se jkun qed jirritorna ma Nottingham Forest, klabb bi storja kbira, hekk kif isimhom qiegħed mal-lista tar-rebbieħa tal-iktar kompetizzjoni prestiġġjuża fl-Ewropa, dak iż-żmien it-Tazza tac-Champions.

Miktub minn...
Rodney Vassallo