Ċikliżmu
Riżultati mħallta għaċ-ċiklisti Maltin fic-cycle of cycling Tour fit-Tuneżija, Christian Formosa l-aħjar fost il-Maltin

Dan l-aħħar it-Tim Nazzjonali tal-Irġiel taċ-Ċikliżmu pparteċipa fit-12-il ċiklu ta’ ċikliżmu bejn ajruporti organizzat mill-Università tat-Tuneżija bi sħab mal-avjazzjoni ċivili u l-ajruporti Tuneżini. It-tiġrijiet kollha flimkien kienu fuq distanza totali ta’ 708 km maqsuma f’ħames stadji li bdew minn quddiem l-ajruport ta’ Kartaġni f’Tuneż nhar it-Tlieta, 12 ta’ Novembru 2019, u spiċċaw fis-16 ta’ Novembru f’Jerba. Il-Ministru tat-turiżmu u l-industriji tradizzjonali u l-ministru aġenti tat-trasport tat-Tuneżija, Rony Trabelsi ta l-bidu ta’ dan it-Tour.

It-tim Nazzjonali Malti li kien iffurmat minn Etienne Bonello, Maurice Formosa, Christian Formosa, Jason Vella, Clive Bugeja u Clive Ebeje. Joe Bajada, Segretarju Ġenerali tal-Federazzjoni mexxa l-grupp. Huwa kien assistit minn Charles Sammut, mekkanik u mill-fiżjoterapista Darren Abdilla. Din l-ġimgħa ipenjattiva bdiet minn Tunis sa Monastir fuq distanza ta’ 117 km f’temp kollu xita li għamel din it-tiġrija ferm diffiċli għaċ-ċiklisti kollha. It-tieni tappa kienet minn Monastir – Sfax fuq distanza ta’ 145 km. It-tielet tappa fuq distanza ta’ 104 km saret bejn Gafsa – Tozeur filwaqt li r-raba’ waħda kienet minn Tozeur sa Douz għal 124 km. Il-ħames u l-aħħar tappa tat-Tour saret minn Matmata sa Djerba fuq distanza ta’ 162 km.

Fil-klassifika ġenerali l-ewwel Malti kien Christian Formosa li spiċċa fit-23 post. F’pożizjonijiet oħra warajh spiċċaw Clive Ebejer u Clive Bugeja.  Iċ-ċiklisti l-oħra ntlaqtu minn inċidenti separati fejn kemm Etienne Bonello u Maurice Formasa kellhom inċidenti waqt it-tieni tappa li kienet minn Monastir sa Sfax, b’Bonello ikolli jittieħed l-isptar fejn saruli xi punti f’irkoptu u b’hekk kellu jabbanduda t-Tour. Maurice Formosa f’waħda mill-waqgħat li kien hemm, ġarrab ħsarat kbar fir-rota tiegħu. Jason Vella kellu jabbanduna wkoll it-Tour minħabba li ħassu ma jiflaħx fl-aħħar ġurnata.

Dan it-Tour intrebaħ mill-Alġerin Yacine Hamza, b’sieħbu tal-istess Nazzjonali Alġerina Oussama Cheblaoui jispiċċa warajh. Fit-tielet pożizjoni spiċċa Khaled Kammoun tat-tim Nazzjonali tat-Tuneżija.

Kollox ma’ kollox din kienet ukoll esperjenza oħra utli għaċ-ċiklisti Maltin bit-tħejjija biex  jgħollu l-livelli tajbin tagħhom fid-dawl tal-Logħob tal-Pajjiżi ż-Żgħar li mistenni li jsir sentejn oħra f’Andorra.

Miktub minn...
TVM Sport
.
Aħbarijiet Oħra
Ċikliżmu

L-Organizaturi tal-Giro D’Italia ta’ din is-sena uffiċjaliżżaw il-programm tat-tappi tal-edizzjoni 2020. Oriġinalment l-edizzjoni tal-Giro D’Italia ta’ din is-sena kellha tibda fl-Ungerija iżda minħabba ċ-ċirkostanzi preżenti ta’ ċertu restrizzjonijiet fl-Ewropa ġie…

Ċikliżmu

L-organzizaturi tat-Tour de France ddeċidew li t-tellieqa tas-sena d-dieħla jmexxuha ‘l quddiem b’ġimgħa sabiex ma taħbatx mal-Olimpjadi ta’ Tokjo. Fl-2021 it-Tour mistenni jibda fis-26 ta’ Ġunju u jibqa’ sejjer sat-18…

Ċikliżmu

Ċikliżmu: Ilbieraħ sar il-Kampjonat Nazzjonali tat-time trail organizzat mill-Federazzjoni Maltija taċ-Ċikliżmu fejn kien hemm suċċess għat-Team tal-Greens li rebaħ iż-żewġ kategoriji prinċipali. Etienne Bonello żamm it-titlu ta’ Champion b’Michelle Vella…

Ċikliżmu

Team Ineos ħabru li se jkunu qed jibdlu isimhom għall-edizzjoni li jmiss tat-Tour de France. L-ikbar Team fiċ-ċikliżmu professjonali ħabbar li l-isem il-ġdid tagħhom se jkun Ineos Grenadiers. L-isem ittieħed…

Aktar