Tazza tad-Dinja 2018
Road Show interattiv u oriġinali waqt it-Tazza tad-Dinja Russja 2018

It-Tazza tad-Dinja tal-FIFA Russja 2018 tinsab 13 -il ġurnata ‘l bogħod mill-ftuħ uffiċjali eżattament fl-14 ta’ Ġunju.

Il-Public Broadcasting Services se jerġa’ jkun qed ixandar b’mod dirett u esklussiv il-logħbiet kollha tal-edizzjoni ta’ din is-sena jiġifieri xejn inqas minn 64 logħba. Dawn il-logħbiet kollha se jixxandru diretti bil-kummentarju bl-ingliż u permezz ta’ High Definition bi stampa u awdjo tal-ogħla kwalita’.

Għal din l-edizzjoni tat-Tazza tad-Dinja TVM Sport se jkun qed ixandar programm kuljum li se jkun qed idur madwar il-logħbiet kollha minn kmieni waranofsinhar sabiex iżomm lid-dilettanti tal-football internazzjonali aġġornati bir-riżultati, aħbarijiet, analiżi kif ukoll affarijiet oħra relatati mal-akbar avveniment tal-isport li jsir kull erba’ snin.

Sabiex jikkumplimenta dan ix-xahar ta’ football mit-Tazza tad-Dinja il-PBS se jkun qed itella’ wkoll ‘Road Show’ li se jżur diversi lokalitajiet madwar Malta u Għawdex li fiħ il-pubbliku ġenerali qed ikun mitlub jipparteċipa, jikkumenta u jikkompeti f’diversi kompetizzjonijiet li se jkunu organizzati minn ġurnata għall-oħra.

Ir-Road Show ta’ Television Malta se jkun immexxi minn Dan u San li se jkunu qed janimaw l-avveniment ta’ kuljum u jagħmlu kollegamenti diretti fuq TVM2 matul il-programm Tazza Tad-Dinja FIFA 2018 li se jkun ippreżentat minn Mark Attard bil-kontribuzzjoni ta’ diversi ġurnalisti, opinjonisti u kummentaturi tekniċi ta’ TVM Sport.

Fost il-lokalitajiet li diġa’ huma kkonfermati li se jospitaw wieħed minn dawn ir-Road Shows hemm Marsascala, Ħaż-Żabbar, il-Ħamrun, il-Belt Valletta fis-Suq l-Antik, il-Qawra, il-Gżira, l-Imsida, il-Mosta, Bormla, in-Nadur Għawdex, in-Naxxar, u Raħal Gdid.

Għal aktar informazzjoni dwar ir-Road show u l-programmi madwar it-Tazza tad-Dinja Russja 2018 wieħed jista’ jagħmel kuntatt mad-dipartiment Sport tal-PBS fuq l-email [email protected]

Miktub minn...
TVMSports
Aħbarijiet Oħra
Tazza tad-Dinja 2018

Il-Qorti ta’ Moska ilbieraħ bagħtet 15-il ġurnata ħabs lil waħda mill-erba’ persuni li nvadew il-pitch matul il-finali tal-Ħadd li għadda bejn Franza u l-Kroazja. Erba’ persuni invadew il-pitch matul il-finali…

Tazza tad-Dinja 2018

Merħba ta’ eroj anke għat-team nazzjonali tal-Kroazja mal-wasla lura Zagreb wara li kontra kull aspettattiva ġie t-tieni fit-Tazza tad-Dinja fir-Russja fejn tilef biss fil-finali kontra Franza. Minkejja t-telfa, it-team Kroat…

Tazza tad-Dinja 2018

L-għada li ġew inkurunati champions ġodda tad-dinja, ritorn trijonfali fil-kapitali Pariġi għall-iskwadra nazzjonali Franċiża tal-football. Eluf kbar ta’ partitarji laqgħu l-iskwadra l-ajruport Charles de Gaulle imma l-akbar merħba lill-players u…

Tazza tad-Dinja 2018

Qabel saret iċ-ċerimonja tal-għoti tal-midalji u eventwalment it-tazza lir-rebbieħa, ingħataw midalji lill-plejers li ddistingwew ruħhom f’din l-edizzjoni tar-Russja 2018. Inċidentalment, il-plejers li rebħu l-unuri lagħbu mat-timijiet li waslu sas-semifinali ta’…

Aktar