Ibburdjar
Rolex Middle Sea Race – Jibdew jaslu lura Malta l-ewwel jotts

Fir-Rolex Middle Sea Race, l-ewwel Multihull li daħal lura pajjiżna dal-lejl kien il-Maserati Multi 70 tal-iskipper Giovanni Soldini. Il-Maserati daħal għall-ħabta tal-11:30pm, filwaqt li daħlu wkoll diversi jotts oħra, fosthom ir-Rambler tal-Amerikan George David, li daħal fil-port fit-3am. Jidher li r-Rambler ser ikun hu li jirbaħ ir-Rolex Middle Sea Race ta’ din is-sena. S’issa daħlu wkoll il-Multihull Powerplay tal-Ingliż Ned Collier Wakefield u l-Momo tal-Ġermaniż Dieter Schon.

Il-jott immexxi mill-iskipper Ingliż Tom Brewer, Nikata, jinsab fl-aħħar kilometri tiegħu sabiex jidħol Malta, u l-iskipper Ġermaniż Maximilian Klink jinsab dieħel warajh maqtugħ bi ftit kilometri oħra. L-iskipper Malti Ramon Sant Hill fuq il-Comanche Raider jinsab nieżel lejn Pantalleria, qabel ma jdur ma’ Lampedusa u jasal lura Malta.

S’issa jkun għadu mhuwiex deċiż min rebaħ il-kompetizzjoni ta’ din is-sena, bir-rebbieħ jitħabbar aktar tard matul din il-ġimgħa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA