Futbol internazzjonali
Rooney jiskorja ġmiel ta’ freekick ma’ D.C. United

Fl-Istati Uniti tkompli l-forma mill-aqwa tal-attakkant Ingliż Wayne Rooney, fejn matul dan l-istaġun diġa’ skorja 10 gowls mat-tim ta’ D.C. United. Meta Rooney kien ingħaqad mat-tim ta’ D.C. United, huma kienu fl-aħħar pożizzjonijiet tal-klassifika, imma minn hemm ‘il quddiem, l-Ingliż tahom ħajja ġdida u issa qegħdin jisfidaw għal post fil-playoffs. Wayne Rooney kien l-istilla tat-tim b’rebħa ta’ 1-0 kontra Toronto FC ilbieraħ u skorja ġmiel ta’ freekick mid-distanza. Għalkemm kien ‘il bogħod mhux ħażin mil-lasta, fit-18-il minuta Rooney spara l-ballun fix-xibka, wara li Zoltan Stieber irnexxielu jirbaħ il-freekick. Rooney prova jiskorja t-tieni fl-74 minuta, imma l-goakeeper avversarju kien attent sabiex isalva.

B’din ir-rebħa, D.C. United jinsabu erba’ punti fuq it-tim ta’ Montreal Impact fis-sitt post, l-aħħar pożizzjoni tal-playoffs tal-Eastern Conference. Barra minn hekk jinsabu punt biss taħt it-tim ta’ Colombus li jinsabu fil-ħames post meta fadal biss żewġ logħbiet sabiex jintemm il-kampjonat. It-tim ta’ D.C. United ħa erba’ rebħiet infila u ilu ma jitlef tmien logħbiet.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Fil-posticipo li ntlagħab ilbieraħ filgħaxija, Inter u Roma temmew il-logħba fid-dro ta’ 1-1, biex b’hekk Inter żiedu punt fit-tellieqa għat-tielet post, filwaqt li Roma għadhom jittamaw li b’xi mod jaqbżu…

Futbol internazzjonali

Mis-Serie A: Juventus ġew matematikament dikjarati Champions tas-Serie A wara li llum riedu minn tal-inqas punt f’darhom fl-Allianz Stadium kontra Fiorentina. Juventus rebħu bl-iskor ta’ 2-1. Skorers f’dan il-konfront wara sitt…

Futbol internazzjonali

Riżultati Serie A it-33 ġurnata: Parma 1 – 1 Milan Bologna 3 – 0 Sampdoria Cagliari 1 – 0 Frosinone Empoli 2 – 4 SPAL Genoa 0 – 1 Torino…

Futbol internazzjonali

Football Internazzjonali: Mill-Premier League Ingliż Manchester City jirbħu 1-0 kontra t-team li eliminhom mill-UEFA Champions League: Tottenham Hotspur. Fl-Etihad Stadium kien Philip Foden li beda l-logħba mal-ewwel ħdax li skorja…

Aktar