Rugby
Rugby League: Logħba ta’ ħbiberija bejn il-Maltin u selezzjoni ta’ barranin

Il-Ħadd fil-Marsa Sports Complex ser issir logħba organizzata mill-Malta Rugby League b’attivita msejħa bħala State of Origin. F’din il-logħba il-plejers Maltin tar-rugby ser jiffaċċjaw lill-plejers barranin li jgħixu Malta u li jipprattikaw dan l-isport f’pajjiżna. 

L-attivita’ State of Origin issir ukoll fl-Awstralja u l-President Jean Pierre Zarb flimkien mal-kumitat ħaseb sabiex tittella’ din il-logħba li għandha tkun ferm mistennija mal-pubbliku sportiv Malti. 

F’dan ix-xahar it-tim Malti beda jitħarreġ sabiex ikun iktar ippreparat għal din il-logħba. Sena ilu l-istess skwadra lagħbet kontra l-Ukrajna u minkejja li tilfu bi skor minimu, taw wirja mill-aqwa. 

Il-logħba tibda fil-ħamsa ta’ waranofsinhar u dawk kollha li jattendu għal din il-partita għandhom iċ-ċans jirbħu flokk ffirmat mill-plejers tat-tim nazzjonali Malti tar-Malta Rugby League.

 

Miktub minn...
TVM Sport
.
Aħbarijiet Oħra
Rugby

Sport lokali: Il-Malta Rugby Football Union għandha aġent President ġdid wara r-riżenja f’April li għadda ta’ Steve Busuttil mill-kariga. L-Aġent President maħtrur għalissa hu Kevin Buttiġieġ li kien it-tieni President…

Rugby

Rugby: Fil-Ġappun illum ġie ċċelebrat il-count down uffiċjali ta’ mitt ġurnata mill-ftuħ tat-Tazza tad-Dinja tar-Rugby ta’ din is-sena. Il-Ġappun se jkun qed jorganizza din l-edizzjoni b’logħbiet fi 12 -il belt…

Rugby

Waqt logħba rugby, iċ-ċkejkna Pippa tista’ tgħoddha b’waħda meta ħarbet minn idejn missierha u daħlet fil-grawnd fejn kien qiegħed jintlagħab il-konfront. Il-logħba kienet tal-Victorian Amateur Football Association, b’St Bernards kienu…

Aktar