Atletika
FILMAT: Se nibqa’ naħdem u nittrenja biex inkun fl-Olimpijadi tas-sena 2021 – Charlotte Wingfield

Għalkemm ħafna Kumitati Olimpiċi madwar id-Dinja esprimew sodisfazzjon għal fatt li l-Olimpijadi tas-Sajf li ġej f’Tokyo ġew posposti minħabba l-kriżi Coronavirus, hemm diżappunt ovvju min naħa tal-atleti.

Id-diżappunt minn dawn l-atleti mhux espress minħabba li ġew posposti l-Olimpijadi għal raġunijiet ta’ prekawzjoni ta’ saħħa iżda diżappunt għaliex wieħed se jkun tilef it-taħriġ fiżiku u mentali li kien għamel tul dawn l-aħħar xhur biex ikun fl-aqwa forma u fl-aħjar kundizzjoni eżatt qabel l-Olimpijadi.

Eżempju ċar hu tal-atleta Maltija Charlotte Wingfield li hi bbażata f’Wales fejn f’post fuq il-Facebook tagħha qalet li kienet ħerqana ħafna li tikkompeti fl-Olimpijadi ta’ Tokyo li (kieku kienet magħżula mill-KOM) kienu se jfissru t-tieni parteċipazzjoni tagħha fl-Olimpijadi hekk kif hi kienet irrapreżentat lill-Malta fl-Olimpijadi ta’ Rio fis-sena 2016.

Wingfield qalet li wara l-uffiċjaliżazzjoni li ġew posposti l-Olimpijadi ta’ Tokyo 2020 se tagħmel dak kollu possibli sabiex tibqa’ tittrenja sabiex tkun lesta għall-kompetizzjoni tas-sena 2021. Hi ħadet l-okkażjoni sabiex appellat lil kulħadd sabiex jieħu ħsieb saħtu u lill-atleti walitilhom messaġġ qawwi biex jibqgħu motivati.

 

Miktub minn...
TVM Sport
.
Aħbarijiet Oħra

L-ex kap tal-atletika dinjija Lamine Diack, intbagħat ta’ mill-inqas sentejn ħabs f’deċiżjoni li ttieħdet illum mill-Qorti Franċiża. Diack kien akkużat li kien involut f’korruzzjoni ta’ doping ma’ atleti Russi. Diack,…

Atletika. Fi tmiem il-ġimgħa li għaddiet ġew organizzati l-kampjonati nazzjonali tal-atletika Cavalieri Art Hotel fil-Matthew Micallef St John fil-Marsa fejn kien hemm diversi rekords li nkisru u riżultati individwali prestiġġjużi….

Il-leġġenda mondjali Usain Bolt hu l-aħħar personalità sportiva li ttestja pożittiv għall-coronavirus. L-aħbar ħarġet ftit jiem wara li Bolt kien qed jiċċelebra f’daru għeluq l-34 sena tiegħu. Fil-festin li organizza,…

L-istaġun tal-atletika Maltija, aktarx wieħed mill-itwal u l-aktar iebes fl-istorja riċenti, se jilħaq l-qofol tiegħu fi tmiem il-ġimgħa bil-Kampjonati Nazzjonali Cavalieri Art Hotel għas-sena 2020, organizzati mill-Malta Amateur Athletics Association….

Aktar