Sport Lokali
FILMAT BOV Premier: Senglea u Valletta spiċċaw fi dro

KAMPJONAT BOV PREMIER 2018/19

Valletta ………3

Senglea ………3

F’logħba verament sabiħa, Senglea u Valletta spiċċaw fi dro ta’ 3-3.

Senglea onoraw il-memorja tal-eks president tagħhom Benny Casha li miet f’nofs din il-ġimgħa. Valletta għamlu l-intenzjonijiet tagħhom ċari sa mill-bidu u marru fil-vantaġġ wara biss erba’ minuti. Kien korner qasir li ngħata bid-difiża Sengleana tkun xi ftit inċerta f’din iċ-ċirkostanza sabiex daħal Matteo Piciollo li xeħet il-ballun fix-xibka.

Ftit minuti wara kien hemm azzjoni ta’ kontrattakk ta’ Senglea b’Leighton Grech li jixxuttja bil-ballun imur barra. Fis-16-il minuta, azzjoni ta’ frikik ta’ Senglea u Mehdi El Sidqi għal ftit ma laħaqx il-ballun jispiċċa barra. Fil-21 minuta cross shot ta’ Enmy Pena Beltre għal Valletta u Matthew Farrugia laqa’ b’ċertu diffikultà.

Fit-23 minuta Senglea Athletic iġibu l-iskor indaqs meta kienet azzjoni tajba ta’ Diego Venancio li avvanza u b’xutt sabiħ minn barra l-kaxxa għeleb għal kollox lil Henry Bonello. Fit-33 minuta frikik ta’ Miguel Angel Alba, ċentrali bil-ballun jiġi milqugħ b’mod komdu minn Matthew Farrugia. Valletta reġgħu marru fil-vantaġġ fis-36 minuta meta wara kross ta’ Alba kien Mehdi El Sidqy illi fit-tentattiv li jikklerja bir-ras, xeħet fix-xibka tiegħu stess sabiex qarraq għal kollox bil-keeper Farrugia.
Mal-45 minuta kien Fontanella li xeħet il-ballun barra wara azzjoni ferm tajba sabiex sekondi wara Matthew Farrugia laqa’ tajjeb xutt mill-viċin ta’ Kaljevic.
Bl-ewwel taqsima tagħlaq b’Valletta 2-1 minn fuq.
U mal-ftuħ tat-tieni taqsima, Senglea jġibu l-iskor indaqs meta wara azzjoni veloċi, il-ballun wasal għand Augusto Rene Caseres li mill-viċin għeleb għat-tieni darba lil Bonello.

Fis-56 minuta daqqa ta’ Augusto Rene Caseres għal Senglea bil-ballun kemm kemm għoli. Bejn l-64 u l-65 minuta, Senglea kienu ferm viċin li jiskorjaw darbtejn iżda xutt fil-baxx ta’ Marukawa spiċċat ċentimetri barra filwaqt li daqqa ta’ ras ta’ Caseres sekondi wara tispiċċa mal-mimduda. Fit-82 minuta, Senglea skorjaw gowl ferm sabiħ. Kien frikik perfett u b’saħħtu ta’ Diego Venancio li għeleb lil Bonello għat-tielet darba f’din il-partita.

Madankollu Valletta ġabu l-iskor indaqs fit-88 minuta meta wara azzjoni ta’ frikik inqalgħet taħwida fil-kaxxa u approfitta Kyran Nwoko li f’lasta vojta tefa’ l-ballun fix-xibka.

Riżultat Finali: Valletta  3-3  Senglea Athletic

BOV Plejer tal-Logħba kien Augusto Rene Caseres ta’ Senglea Athletics

Referi kien Malcolm Spiteri.

Miktub minn...
TVM Sport
.
Aħbarijiet Oħra
Boxing

Boxing: Is-Sibt filgħaxija attivita’ ferm mistennija ‘Networking Fightclub’ organizzata minn Prize Boxing Promotions taħt l-iskrutinju tal-Malta Boxing Association. Illum sar il-Weigh-in tal-20 boxer li se jiġġieldu fl-għaxar ġlidiet ta’ għada. Fost…

Futbol lokali

Illum tkomplu u tlesta l-MFA Symposium li kien organizzat f’Dar il-Mediterran fil-Belt Valletta. Dan is-symposium wassal tagħrif ta’ opportunitajiet fid-dinja diġitali tal-lum. Is-Symposium fetaħ b’diskors tal-President tal-MFA Norman Darmanin Demajo…

Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Aktar