Futbol internazzjonali
Serie A: Atalanta jirbħu lin-Napoli fis-San Paolo u jibqgħu jittamaw f’post fiċ-Champions League

Atalanta għadhom qegħdin jittamaw li jakkwistaw post fil-UEFA Champions League fl-istaġun li ġej wara li lbieraħ filgħaxija għelbu lin-Napoli bl-iskor ta’ 2-1. Kienu Napoli li fetħu l-iskor fit-28 minuta meta Dries Mertens fajjar xutt li għeleb lill-goalkeeper avversarju u poġġa lit-tim tiegħu minn fuq fis-San Paolo, 1-0. Fit-tieni taqsima l-Atalanta pruvaw iwettqu reazzjoni u mad-69 minuta sabu x-xibka biex ġabu l-gowl tad-draw. Kien Duvan Zapata li b’xutt sabiħ tefa’ fix-xibka biex għamilhom 1-1. Mat-80 minuta l-Atalanta skurjaw dak li kellu jkun il-gowl tar-rebħa meta Zapata tefa’ ballun lejn Mario Pasalic li approfitta minn indeċiżjoni fil-kaxxa avversarja u tefa’ fix-xibka għal 2-1 u hekk baqgħu sat-tmiem.

B’din ir-rebħa l-Atalanta telgħu b’56 punt, l-istess daqskemm għandhom Milan, imma b’differenza ta’ gowls inferjuri għar-Rossoneri. Xorta waħda, Atalanta għadhom b’ċans b’saħħtu li jakkwistaw ir-raba’ post fil-klassifika, li jfisser parteċipazzjoni fl-aqwa kompetizzjoni tal-klabbs Ewropea.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Fil-partita li ntlagħbet kmieni llum, Arsenal għelbu lil Burnley bi skor ta’ 2-1. Lacazette fetaħ l-iskor fit-13-il minuta u Barnes ġab il-gowl tad-draw żewġ minuti qabel tmiem l-ewwel taqsima. Il-Gunners…

Futbol internazzjonali

Mario Balotelli, l-attakkant kontroversjali Taljan, se jsir plejer ta’ Brescia fis-sigħat li ġejjin. Jidher li matul il-lejl li għadda, sar ftehim bejn il-President Massimo Cellino u l-aġent tal-plejer Mino Raiola…

Futbol internazzjonali

L-ex kowċ nazzjonali tan-Niġerja, Samson Siasia, ġie sospiż għal għomru mil-logħba tal-futbol wara li nstab ħati ta’ match-fixing. Fi stqarrija, il-FIFA qalet li Siasia nstab ħati mill-Kumitat tal-Etikà, li aċċetta…

Futbol internazzjonali

Il-plejer ta’ Barcelona, Philippe Coutinho, mistenni jiċċaqlaq u jmur sena b’self fil-Ġermanja ma’ Bayern Munich. Din l-aħbar ikkonfermawha ċ-champions Spanjoli stess. Ilbieraħ Coutinho vjaġġa mal-iskwadra f’Bilbao għall-ewwel partita tal-kampjonat li…

Aktar