Futbol internazzjonali
Serie A: Dro bejn Inter u Roma f’San Siro

Fil-posticipo li ntlagħab ilbieraħ filgħaxija, Inter u Roma temmew il-logħba fid-dro ta’ 1-1, biex b’hekk Inter żiedu punt fit-tellieqa għat-tielet post, filwaqt li Roma għadhom jittamaw li b’xi mod jaqbżu lill-Milan u allura jakkwistaw ir-raba’ post u allura jilagħbu fiċ-Champions League fl-istaġun li ġej.

Kienu Roma li fetħu l-iskor fl-14-il minuta meta Stephan El Shaarawy għadda bejn id-difensuri u b’xutt mill-isbaħ poġġa lit-tim tiegħu minn fuq, 1-0. Inter kellhom jistennew sas-siegħa logħob sakemm wasal il-gowl tad-dro. D’Ambrosio għadda l-ballun lejn Ivan Perisic li b’daqqa ta’ ras tefa’ fix-xibka u għamilhom 1-1. Hekk baqgħu sat-tmiem, biex Inter żammew 5 punti vantaġġ fuq l-eqreb rivali Milan fil-klassifika, filwaqt li Roma wkoll żammew il-pass meta jinsabu punt biss ‘il bogħod mir-raba’ post.

It-33 ġurnata tas-Serie A tiġi fi tmiemha għada meta fis-19:00, Napoli jilagħbu kontra Atalanta.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol lokali

Bob Higgins, l-ex Youth Development Officer tal-Malta Football Association, instab ħati fuq 45 kap ta’ akkuża ta’ abbuż sesswali fuq 23 tifel. Higgins kien ingħata din il-kariga fl-MFA f’Lulju tal-1989…

Futbol internazzjonali

Skont il-manager ta’ Tottenham Hotspur, Mauricio Pochettino, it-tim li jirnexxielu jżomm kompost fil-grawnd u ma jħallix l-emozzjonijiet jiġru bih, se jirbaħ il-finali taċ-Champions League fl-1 ta’ Ġunju li ġej. Skont…

Futbol internazzjonali

Polonja 0 Kolombja 2 Il-pajjiż ospitu, il-Polonja, bdew l-esperjenza tagħhom f’din it-Tazza tad-Dinja fuq sieq waħda meta fil-logħba inawgurali tilfu kontra l-Kolombja bl-iskor ta’ 2-0. Il-gowls tal-Kolombja kienu skurjati wieħed…

Futbol internazzjonali

L-ex stilla Arġentin Diego Armando Maradona kien imwaqqaf l-ajruport ta’ Buenos Aires u aktar tard kien arrestat wara li l-ex maħbuba tiegħu qiegħda tfittxu bil-Qorti. Rapporti li ħerġin mill-Arġentina qegħdin…

Aktar