Futbol internazzjonali
Serie A: Inter ifallu ċ-ċans li jkunu waħedhom fil-quċċata, jispiċċaw draw ma’ Fiorentina

Fiorentina 1   Inter 1

Inter tilfu ċ-ċans li jkunu waħedhom fil-quċċata tal-klassifika meta fl-Artemio Franchi kienu miżmuma minn Fiorentina 1-1. Inter marru minn fuq wara biss tmien minuti meta Borja Valero b’xutt fil-baxx fetaħ l-iskor u għamilhom 1-0. Fid-39 minuta Inter skurjaw ieħor permezz ta’ Lautaro Martinez, gowl li kien imħassar permezz tal-VAR minħabba offside. Mad-90 minuta ngħataw 6 minuti ta’ ħin addizjonali, u waqt li Inter kienu għadhom qed iżommu bil-gowl vantaġġ, il-Vjola ħasdu lit-tim fil-quċċata b’gowl li wasal mat-tieni minuta fuq il-ħin regolamentari. Kien Dusan Vlahovic li f’azzjoni personali daħal fil-kaxxa, dar mad-difensuri u b’xutt lejn il-lasta għeleb lill-goalkeeper u għamel l-iskor 1-1.

Illejla fid-20:45, Cagliari jilagħbu kontra Lazio.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA