Futbol internazzjonali
Serie A: Inter jirbħu d-derby kontra Milan u jerġgħu jitilgħu fit-tielet post

Milan……2
Inter…….3

Inter jirbħu d-derby della Madonnina meta f’San Siro huma għelbu lill-Milan bl-iskor ta’ 3-2. Inter ħasdu lill-avversarji meta wara biss 3 minuti mill-bidu tal-konfront marru fil-vantaġġ. Kien cross fil-kaxxa, Martinez bir-ras indirizza l-ballun fuq in-naħa l-oħra u Matias Vecino ma kellux problema jitfa’ fix-xibka għal 1-0 u hekk baqgħu sal-mistrieħ.

Fil-51 minuta Inter għamluhom tnejn. Did-darba kien Politano li tefa’ cross pinġut fil-kaxxa, Stefan de Vrij għola tajjeb u b’daqqa ta’ ras tefa’ fix-xibka għal 2-0. Milan wettqu reazzjoni pjuttost immedjata għaliex fis-57 minuta naqqsu d-distakk meta Tiemoue Bakayoko rċieva l-ballun mingħand Calhanoglu u spara fix-xibka għal 2-1. Milan pruvaw jibqgħu jagħfsu imma kienu Inter li rnexxilhom jerġgħu jiskurjaw gowl ieħor, din id-darba fis-67 minuta. Mill-11-il metru Lautaro Martinez tefa’ ġewwa biex għamilhom 3-1, imma Milan ma qatgħux qalbhom, tant li fil-71 minuta reġgħu għal darb’oħra naqqsu d-distakk. Mateo Musacchio rnexxielu jikkonkludi fix-xibka wara li wasal il-ballun f’saqajh u għamilhom 3-2. U għalkemm Milan pruvaw jiskurjaw għallinqas il-gowl tad-dro Inter żammew sod b’hekk spiċċaw maqbuża mill-istess Neroazzuri fil-klassifika wara din it-telfa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

L-ex plejer ta’ Manchester City Glyn Pardoe miet fl-età ta’ 73 sena. Pardoe jibqa’ l-aktar debuttant ta’ età żgħira li qatt kellu l-klabb. Hu kien iddebutta f’April tal-1962 fl-età ta’…

Futbol internazzjonali

Yves Jean-Bart, il-President tal-Federazzjoni tal-Futbol tal-Haiti, ġie sospiż għal 90 ġurnata mill-FIFA wara li ta fastidju lill-plejers tal-futbol femminili u ħajjarhom biex ikollhom x’jaqsmu miegħu sesswalment. Il-FIFA ħadet din id-deċiżjoni…

Futbol internazzjonali

Id-difensur tal-klabb ta’ Morecambe, Chrisitian Mbulu, miet fl-età ta’ 23 sena. L-ex plejer ta’ Motherwell kien beda l-karriera professjonali tiegħu ma’ Millwall u lagħab ukoll ma’ Brentwood, Braintree u Crewe….

Futbol internazzjonali

“Li se nilagħbu f’Anfield u ngħollu t-trofew fi stadium vojt mingħajr partitarji hu stramb ħafna,” qal Jordan Henderson, il-captain ta’ Liverpool. Ir-Reds kienu fil-quċċata tal-klassifika meta twaqqaf l-istaġun u għandhom…

Aktar