Futbol internazzjonali
Serie A: Juventus champions għas-7 darba wara l-oħra, 34 fl-Istorja

Juventus huma ċ-champions tal-Italja għas-seba’ darba wara l-oħra u għall-34 darba fl-Istorja.

Iċ-ċertezza matematika tal-kampjonat waslet tard il-Ħadd filgħaxija hekk kif spiċċat il-partita kontra r-Roma fi Stadio Olimpico u li ntemmet bi skor ta’ 0-0.

Hekk kif intemmet il-partita, diversi partitarji ta’ Juventus ħarġu jiċċelebraw dan is-suċċess fit-toroq ta’ Turin, b’mod speċjali fi Piazza San Carlo.

Il-qofol tal-festeġġjamenti jintlaħqu s-Sibt li ġej wara l-aħħar partita tal-kampjonat fit-3.00pm, fl-Allianz Stadium fejn hemmhekk mistennija ssir il-preżentazzjoni li ssegwi fit-toroq ta’ Turin hekk kif il-plejers u l-istaff tekniku kollu jduru l-pjazez fi trakk mikxuf.

Dan hu r-raba’ titlu f’erba’ snin minn kemm ilu kowċ Max Allegri. Hu kien ħa t-tim wara Antonio Conte, li wkoll kien rebaħ tliet kampjonat wara xulxin.

F’dan l-istaġun, Juventus laħqu u kisru rekord. Ir-rebħ tas-seba’ kampjonat wara l-ieħor għamluha biss Lyon fi Franza xi snin ilu, filwaqt li ħadd fl-Italja ma rnexxielhu jirbaħ il-Coppa Italia għal erba’ darbiet wara xulxin.

Fl-istess ħin il-Ħadd filgħaxija, Napoli għelbu lil Sampdoria bi skor ta’ 2-0 fi Stadio Luigi Ferraris ta’ Genova.

B’hekk, b’ġurnata waħda x’tintlagħab, Napoli huma ċerti mit-tieni post, mentri Roma ċerti mit-tielet post.

Il-partita tal-Ħadd li ġej se tkun bla dubju dik bejn Lazio u Inter, għal min jispiċċa fir-raba’ post li jfisser kwalifikazzjoni għall-UEFA Champions League fl-istaġun li ġej. Lazio, f’darhom, iridu rebħa jew draw, mentri Inter iridu rebħa akkost ta’ kollox.

Miktub minn...
TVM Sport
Aħbarijiet Oħra
Futbol internazzjonali

Fil-partita li ntlagħbet iktar kmieni, Milan barra minn darhom għelbu lil Genoa bi skor ta’ 2-0. Borini fetaħ l-iskor fit-72 minuta u Suso rdoppja fit-83 minuta. Illejla, fit-20.30, Juventus jilqgħu…

Futbol internazzjonali

Il-logħba tal-bieraħ filgħaxija bejn Napoli u Lazio ma kienet xejn feliċi għall-plejer Francesco Acerbi, għax mhux talli t-tim tiegħu kien fuq in-naħa telliefa, imma hu spiċċa mkeċċi fl-aħħar 20 minuta…

Futbol internazzjonali

Fl-Istadio San Paolo, ilbieraħ filgħaxija, Napoli għelbu lil-Lazio bl-iskor ta’ 2-1, biex b’hekk żammew il-pass xi ftit ma’ Juventus li jilagħbu llejla. Napoli kellhom l-ewwel taqsima sodisfaċenti ħafna, tant li…

Futbol internazzjonali

Slovan Bratislava tas-Slovakkja u Zbrojovka Brno tar-Repubblika Ċeka se jikkontestaw il-finali tal-ewwel edizzjoni tat-TipSport Malta Cup nhar it-Tnejn li ġej fl-Istadium Nazzjonali Ta’ Qali. Fis-semifinali tal-lum Slovan għelbu lit-team tas-Superliga…

Aktar