Futbol internazzjonali
Serie A: Juventus jegħlbu lil Inter f’San Siro u jitilgħu l-ewwel

Fil-posticipo li ntalgħab il-Ħadd filgħaxija, Juventus telgħu fil-quċċata tal-klassifika meta għelbu lil Inter bl-iskor ta’ 2-1. Din kienet l-ewwel telfa li sofra Antonio Conte fil-kampjonat kemm ilu jmexxi lil Inter, b’Juventus jibqa’ l-uniku tim mhux megħlub wara 7 logħbiet.

Juventus fetħu tajjeb ħafna għaliex wara biss 4 minuti Dybala fetaħ l-iskor u poġġa lit-tim tiegħu minn fuq. Il-ferħ Juventin dam biss 13-il minuta għaliex De Ligt kien aġġudikat li miss il-ballun b’idu fil-kaxxa, u wara li r-referee Rocchi kkonferma bil-VAR, Lautaro Martinez mill-11-il metru tefa’ fix-xibka għal 1-1. Fil-41 minuta Juventus iċċelebraw għal darb’oħra l-gowl tal-vantaġġ meta Ronaldo sab ix-xibka imma r-referee Rocchi ħassar il-gowl wara li permezz tal-VAR kien aġġudikat li kien hemm offside.

It-tim ta’ La Vecchia Signora skurjaw il-gowl tar-rebħa għaxar minuti mit-tmiem meta Bentancur ġab lil Gonzalo Higuain waħdu fil-kaxxa u l-Arġentin ma falliex biex poġġa lil Juventus 2-1 minn fuq, vantaġġ li żammewh sa tmiem il-logħba.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Fi Spanja, wara li l-ġimgħa li għaddiet bdew ħerġin rapporti li Lionel Messi jrid jitlaq lil Barcelona, tkellem il-President Josep Maria Bartomeu fejn serraħ ras il-partitarji li l-Arġentin ser itemm…

Futbol internazzjonali

Friski friski mir-rebħ tat-Tazza Ġermaniża, kif ukoll mir-rebħ tal-kampjonat għat-tmien sena konsekuttiva, Bayern Munich poġġew it-tazzi mirbuħa flimkien mal-oħrajn fil-mużew tal-Allianz Arena. Ir-rebħ tat-Tazza Ġermaniża s-Sibt li għadda kienet l-għoxrin…

Futbol internazzjonali

Athletic Bilbao 0   Real Madrid 1 Penalty ieħor kellu jsalva lil Los Blancos u jagħtihom it-tliet punti meta logħba wara l-oħra Sergio Ramos qed jerfa’ r-responsabbilità li jrebbaħ lit-tim tiegħu…

Futbol internazzjonali

Inter 1   Bologna 2 Fil-Giuseppe Meazza, Inter sfaw megħluba minn Bologna bl-iskor ta’ 2-1, f’logħba li ż-żewġ naħat spiċċaw jilagħbu b’għaxra. Kien Lukaku li poġġa lin-neroazzurri minn fuq fit-22 minuta,…

Aktar