Futbol internazzjonali
Serie A: Juventus jirbħu lill-Chievo u jerġgħu jiftħu 9 punti vantaġġ fil-quċċata

Fil-logħba li biha ngħalqet l-20 ġurnata tas-Serie A fl-Italja, Juventus ħarġu rebbieħa bl-iskor ta’ 3-0, biex b’hekk s’issa huma rebħu 18-il logħba u ġew dro tnejn f’dan l-istaġun. It-tim t’Allegri ma tantx dam biex sab ix-xibka għaliex mat-13-il minuta Douglas Costa poġġa lill-Juventus minn fuq. Emre Can irnexxielu jsib ix-xibka eżatt qabel il-mistrieħ, biss Juventus naqsu milli jagħmluhom tlieta fit-53 minuta meta Cristiano Ronaldo falla penalty.

Kien Rugani li fl-84 minuta skorja t-tielet għall-Juventus u b’hekk għalaq il-logħba bl-iskor ta’ 3-0, biex b’hekk Juventus reġgħu fetħu vantaġġ ta’ 9 punti fil-quċċata tal-klassifika, meta issa għandhom 56 punt, b’Napoli warajhom b’47 punt. B’din it-telfa, Chievo baqgħu ankrati fil-qiegħ tal-klassifika bi 8 punti, biss huma bdew l-istaġun bi tliet punti mnaqqsa li kellhom jirkuprawhom.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Billy McNeill, ex captain ta’ Celtic u l-ewwel Brittaniku li għolla t-Tazza Ewropea, miet fl-età ta’ 79 sena. McNeill mexxa lil Celtic fil-finali tal l-1967 meta dakinhar għelbu lil Inter…

Futbol internazzjonali

Atalanta għadhom qegħdin jittamaw li jakkwistaw post fil-UEFA Champions League fl-istaġun li ġej wara li lbieraħ filgħaxija għelbu lin-Napoli bl-iskor ta’ 2-1. Kienu Napoli li fetħu l-iskor fit-28 minuta meta…

Futbol internazzjonali

Fl-Ingilterra, Chelsea laħqu lit-Tottenham Hotspur fil-klassifika meta għandhom logħba aktar, wara li lbieraħ filgħaxija huma spiċċaw fi draw ta’ 2-2 kontra Burnley. Dan jista’ jitqies bħala draw diżappuntanti għaċ-Chelsea fi…

Futbol internazzjonali

Eluf ta’ partitarji ta’ PAOK inġabru fil-belt ta’ Thessaloniki biex jiċċelebraw ir-rebħ tal-kampjonat f’34 sena. Bil-bnadar suwed u bojod, b’nar tal-ajru u flares, il-partitarji ċċelebraw ir-rebħ tat-tielet kampjonat fl-istorja tal-klabb….

Aktar