Futbol internazzjonali
Serie A: Juventus jistgħu jkunu inkurunati ċampjins illejla

Illejla, Juventus jistgħu jsiru ċampjins fl-Italja għat-tmien staġun konsekuttiv meta fl-Allianz Stadium jilqgħu lill-Fiorentina. Dan ser ikun il-35 Scudetto li l-bianconeri ser ikunu rebħu fl-istorja tagħhom, u wara t-telfa kontra SPAL fi tmiem il-ġimgħa li għaddiet, illum mhumiex mistennija jfallu quddiem il-partitarji tagħhom.

Għall-Juventus dawn l-aħħar jiem kienu pjuttost diffiċli. Kien hemm ħafna li qiesu t-telfa kontra SPAL bħala ‘apposta,’ u dan sabiex il-kampjonat jirbħuh fl-istadium tagħhom u mhux barra minn darhom. Imma jekk dik it-telfa kienet forsi ‘maħsuba,’ mhux l-istess jista’ jingħad għal dak li seħħ nhar it-Tlieta li għadda meta huma spiċċaw eliminati mill-UEFA Champions League mit-tim ta’ Ajax.

Il-ħolma ta’ Juventus u tal-kowċ Massimiliano Allegri reġgħet taret mar-riħ għal staġun ieħor, u allura issa l-bianconeri ilhom 23 sena jistennew li jirbħu l-aqwa kompetizzjoni Ewropea.

Imma llejla, dak id-diżappunt jista’ jintesa jekk kemm-il darba Juventus jirnexxilhom jirbħu f’darhom kontra l-Vjola u allura jkunu matematikament ċerti li rebħu s-Serie A. Jaf anke dro jkun biżżejjed, imma f’dak il-każ ikollhom jistennew sat-Tnejn li ġej, sakemm jilagħbu Napoli.

Fl-ewwel leg, Juventus kienu għelbu lill-Fiorentina bl-iskor ta’ 1-0, u matul dan l-istaġun Juventus rebħu 27, ġew dro tliet darbiet u tilfu żewġ logħbiet minn 32 logħba. B’dominanza daqstant qawwija fl-Italja, Juventus jidher li għad fadlilhom snin ta’ suċċessi quddiemhom, kif fl-aħħar mill-aħħar kellhom f’dawn it-tmien snin, fejn mhux biss rebħu l-kampjonat, imma fl-aħħar erba’ staġun konsekuttivi dejjem rebħu wkoll il-Coppa Italia, tragward li ma rnexxilhomx jilħqu f’dan l-istaġun.

Illejla huwa mistenni li Allegri jilgħab bl-aħjar plejers disponibbli għalih, bil-logħba tibda fis-18:00.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Fil-partita li ntlagħbet kmieni llum, Arsenal għelbu lil Burnley bi skor ta’ 2-1. Lacazette fetaħ l-iskor fit-13-il minuta u Barnes ġab il-gowl tad-draw żewġ minuti qabel tmiem l-ewwel taqsima. Il-Gunners…

Futbol internazzjonali

Mario Balotelli, l-attakkant kontroversjali Taljan, se jsir plejer ta’ Brescia fis-sigħat li ġejjin. Jidher li matul il-lejl li għadda, sar ftehim bejn il-President Massimo Cellino u l-aġent tal-plejer Mino Raiola…

Futbol internazzjonali

L-ex kowċ nazzjonali tan-Niġerja, Samson Siasia, ġie sospiż għal għomru mil-logħba tal-futbol wara li nstab ħati ta’ match-fixing. Fi stqarrija, il-FIFA qalet li Siasia nstab ħati mill-Kumitat tal-Etikà, li aċċetta…

Futbol internazzjonali

Il-plejer ta’ Barcelona, Philippe Coutinho, mistenni jiċċaqlaq u jmur sena b’self fil-Ġermanja ma’ Bayern Munich. Din l-aħbar ikkonfermawha ċ-champions Spanjoli stess. Ilbieraħ Coutinho vjaġġa mal-iskwadra f’Bilbao għall-ewwel partita tal-kampjonat li…

Aktar