Futbol internazzjonali
Serie A: Milan isaħħu r-raba’ post fil-klassifika b’rebħa fuq Atalanta

Rebħa importanti ħafna għall-Milan barra minn darhom kontra l-Atalanta meta ġew minn gowl minn taħt biex rebħu bl-iskor ta’ 3-1. Fil-fatt kienu l-Atalanta li fetħu l-iskor mat-33 permezz ta’ Freuler, imma eżatt qabel waqfu għall-kwarta tal-mistrieħ, Piatek sab ix-xibka għall-Milan biex l-ewwel taqsima spiċċat 1-1. Fit-tieni taqsima Milan ħarġu aktar b’saħħithom u sas-siegħa logħob kienu diġa’ għalqu l-logħba. Calhanoglu skorja t-tieni fil-55 minuta biex Milan għall-ewwel darba marru fil-vantaġġ, imbagħad Piatek reġa’ tefa’ fix-xibka fil-61 minuta biex b’hekk skorja t-tieni għalih u t-tielet għar-Rossoneri li b’din ir-rebħa saħħew ir-raba’ post fil-klassifika bi 42 punt, 4 punti vantaġġ fuq l-istess Atalanta.

Illum ikompli programm ieħor ta’ logħob mill-24 ġurnata tas-Serie A:

12:30 SPAL – Fiorentina
15:00 Empoli – Sassuolo
15:00 Genoa – Lazio
15:00 Udinese – Chievo
18:00 Inter – Sampdoria
20:30 Napoli – Torino

Għada

20:30 Roma – Bologna

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Kwalifikazzjoni Kampjonat Euro UEFA 2020 European Qualifiers – Grupp F Malta…………….. 2 Gżejjer Faroe……1 Malta bdiet bl-aħjar mod l-impenji tagħha fil-kampjonat Ewropew 2020 meta f’Ta’ Qali f’logħba mill-iktar eċċitanti għeleb…

Futbol internazzjonali

Illum komplew jintlagħbu aktar logħbiet mill-kwalifikazzjoni għall-Euro 2020 meta minn Grupp A f’Wembley Stadium l-Ingilterra bdew bil-kbir l-impenji tagħhom dan wara li huma għelbu lir-Repubblika Ċeka bl-iskor ta’ 5-0.  L-eroj…

Futbol internazzjonali

L-attakkant Brażiljan ta’ Paris St Germain Neymar ġie akkużat mill-UEFA talli insulenta lir-referee wara li t-tim Franċiż safa eliminat mir-round tal-aħħar sittax tal-UEFA Champions League minn Manchester United. Neymar li…

Futbol internazzjonali

Ilbieraħ filgħaxija bdew il-logħbiet tal-gruppi ta’ kwalifikazzjoni għall-EURO 2020, b’diversi riżultati li wħud minnhom kienu mistennija u oħra waslu b’sorpriża. Mistennija r-rebħiet tal-Olanda, il-Kroazja, il-Polonja u l-Belġju, filwaqt li l-Każakstan…

Aktar