Futbol internazzjonali
Serie A: Inter jirritornaw għar-rebħ kontra Bologna li jispiċċaw il-partita b’disa’ plejers

Kampjonat Taljan, Serie A: 5 partiti li ntlagħbu llum wara nofsinhar mill-24 ġurnata.

Inter jirritornaw għar-rebħ f’darhom bi skor ta’ 2-1 kontra Bologna. Inter fil-vantaġġ b’gowl ta’ Eder wara żewġ minuti. L-ex plejer tagħhom Palacio jġib id-draw għal Bologna fiil-25 minuta. Inter jiskurjaw il-gowl tar-rebħa minn Karamoah fit-63 minuta. Bologna jispiċċaw il-partita b’disa’ plejers wara li tkeċċew Mbaye u Masina.

Sampdoria jegħlbu f’darhom lil Verona bi skor ta’ 2-0. Barreto jiftaħ l-iskor għal Sampdoria fil-50 minuta. Quaglirella jirdoppja minn penalty fil-85 minuta.

Torino jegħlbu lil Udinese bi skor ta’ 2-0. N’Kolou jiftaħ l-iskor għall-Granata fit-32 minuta u Belotti jirdoppja fis-66 minuta.

Genoa għelbu barra minn darhom lil Chievo b’gowl skurjat fil-ħin miżjud minn Laxalt.

Fil-partita li ntlagħbet kmieni fin-12.30pm, draw ta’ mingħajr gowls bejn Sassuolo u Cagliari.

Fit-tliet partiti tal-bieraħ; rebħa kbira għal Milan barra minn darhom kontra Spal bi skor ta’ 4-0. Cutrone jiftaħ l-iskor wara żewġ minuti u jirdoppja fil-65 minuta. Biglia skorja t-tielet gowl fit-73 minuta u Borini skorja r-raba’ gowl fid-90 minuta.

Draw ta’ 1-1 bejn Crotone u Atalanta. Crotone fil-vantaġġ b’gowl ta’ Mandragora fid-79 minuta. Atalanta jġibu d-draw b’gowl ta’ Palomino żewġ minuti mit-tmiem.

Rebħa kbira oħra għal Napoli li f’darhom għelbu lil Lazio bi skor ta’ 4-1 wara li sfaw gowl minn taħt skurjat minn De Vrij wara 3 minuti. Napoli jġibu l-gowl tad-draw qabel il-mistrieħ permezz ta’ Callejon. Fit-tieni taqsima il-Partenopei jiskurjaw tliet darbiet oħra, minn auto goal ta’ Wallace fl-54 minuta, Mario Rui fis-56 minuta u Dries Mertens fit-73 minuta.

Fil-partita li ntlagħbet il-Ġimgħa filgħaxija, rebħa għal Juventus barra minn darhom għand Fiorentina bi skor ta’ 2-0. L-ex plejer tal-Viola Bernardeschi fetaħ l-iskor minn freekick fis-56 minuta u Gonzalo Higuain irdoppja erba’ minuti mit-tmiem.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol internazzjonali

Cristiano Ronaldo, Luka Modric u Mohamed Salah, huma t-tliet finalisti għall-unur tal-Plejer tas-Sena 2018 tal-UEFA. Il-lista finali tal-aħħar tliet plejers ivvutaw għaliha l-kowċis nazzjonali kollha minn madwar l-Ewropa. Cristiano Ronaldo…

Futbol internazzjonali

Premier League Ingliż 2018/19 Riżultati tal-Ħadd Burnley 1 – 3 Watford Manchester City 6 – 1 Huddersfield Town Brighton & Hove Albion 3 – 2 Manchester United

Futbol internazzjonali

Il-FIFA tat ultimatum ta’ 24 siegħa lill-Federazzjoni tan-Niġerja sabiex tistabilixxi lura s-serenita’ u t-tmexxija demokratika fil-Federazzjoni tal-football tagħha. Dan wara li fl-aħħar ġimgħat grupp ta’ amministraturi li kienu qed jopponu…

Futbol internazzjonali

Serie A 2018/19 Chievo Verona 2 – 3 Juventus Il-Kampjonat tas-Serie A fl-Italja beda bil-logħba inawgurali tintlgħab fi Stadio Bentegodi bejn Chievo Verona u ċ-Champions renjanti Juventus. Wara 3 minuti…

Aktar