Motorsport
Sewwieqa Maltin fi Sqallija

Mill-Ġimgħa 30 ta’ Awwissu sal-Ħadd 1 ta Settembru, seba’ sewwieqa Maltin telgħu Sqallija, propju fil-villaġġ ta Chiaramonte biex jikkompetu fis-62 edizzjoni tat-tellieqa Monti Iblei, korsa ta 8.5 kilometri. Is-Sewwieqa kienu, Didier Bugeja fuq Peugeot 106, Ignazio Cannavo fuq Lamborgini Gallardo GT3, Anastasi Joe fuq Austin Cooper, Galea Noel fuq Escort MK2, Dunford James fuq Norma M 20F, Camilleri Darren fuq Tatuus Honda, Galea Ian fuq Argo Formula F3 Honda u Deidun Ivan Paul.

L-ikbar suċċess f’dan l-avveniment kien dak ta Noel Galea li spiċċa il-ġurnata, l-ewwel fil-grupp u fil-klassi tiegħu, li tinkludi karozzi ta l-istess tip pero b’magni ikbar, fit-18 il-post minn 243 vettura, kif ukoll l-aħjar karozza Saloon tal-ġurnata. Il-ħiliet ta Galea biex jipprepara il-karozza tiegħu kif ukoll l-esperjenza li Galea għandu ġewwa Sqallija jidher li qiegħed iħallu r-rizultat mixtieq.

Għal Darren Camilleri din kienet l-ewwel esperjenza tiegħu ġewwa Chiaramonte, pero ma naqas milli jakwista rizultat tajjeb fejn spiċċa fit-tieni post fil-klassi tiegħu. Didier Bugeja, għalkemm forsi il-prestazzjoni tiegħu kienet tidher xi ftit aħjar mir-rizultat spiċċa fit-3 post fil-klassi tiegħu. James Dunford saq in-Norma M 20F u spiċċa ukoll fit-tieni post tal-klassi tiegħu.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Motorsport

Adrian Figallo, uffiċjal tal-Federazzjoni Maltija tal-Motorsport ser jiġġudika l-erba ‘rawnds tal-Kampjonat Taljan tad-Drifting ta din is-sena. Il-Kampjonat Taljan tad-Drifting 2020 tnieda x-xahar li għadda f’Parma. Din l-edizzjoni se tkun ferm…

Motorsport

L-Ispanjol Carlos Sainz sar Champion tar-Rally ta’ Dakar għat-tielet darba fil-karriera fl-età ta’ 57 sena. L-Amerikan Ricky Brabec rebaħ il-kategorija tal-muturi fuq il-Honda biex temm dominja ta’ 18-il sena li…

Motorsport

L-Ispanjol Carlos Sainz jinsab stadju ‘l bogħod milli jirbaħ id-Dakar Rally 2020. Fit-tmiem tal-istadju ta’ qabel tal-aħħar, Sainz kellu 10 minuti vantaġġ fuq il-Qatari Nasser Al-Attiyah, u ftit tas-sekondi aktar…

Motorsport

Is-Sewwieq Malti Noel Galea li jikkompeti b’mod regolari ġewwa Sqallija ġie ikkonfermat Champion tal-klassi li jikkompeti fiha. Il-Klassi hija magħrufa bħalha Grupp E2SH u Klassi 2000. Il-grupp jindika it-tip ta…

Aktar