Futbol internazzjonali
Is-Sibt jasal it-Trofew oriġinali tat-Tazza tad-Dinja tal-FIFA, trażmissjoni speċjali fuq TVM u TVM2

Jumejn biss ‘il bogħod mill-wasla tat-Trofew oriġinali tat-Tazza tad-Dinja tal-FIFA f’pajjiżna hekk kif Malta se tospita waħda mill-attivitajiet uffiċjali tal-FIFA World Cup Tophy Tour by Coca Cola.

Għal din l-okażjoni TVM qed iħejji xandira speċjali tal-wasla tat-trofew tat-Tazza tad-Dinja f’pajjiżna u l-attivitajiet li huma skedati għal matul il-ġurnata. Ix-xandira ta’ nhar is-Sibt tibda b’edizzjoni speċjali tal-aħbarijiet fil-ħdax neqsin ħamsa ta’ filgħodu hekk kif inxandru l-filmati diretti tal-inżul tal-ajruplan uffiċjali li se jkun qed iġorr dan it-tofew prestiġjuż. Ix-xandira tkompli b’konferenza stampa li mistennija tkun indirizzata fost l-oħrajn mil-President ta’ Malta l-Eċċelenza Tagħha Marie Louise Coleiro Preca, u minn Christian Karenbeu l-Ambaxxatur tal-FIFA. Minn TVM ix-xandira speċjali tkompli wara nofsinhar fuq TVM2 hekk kif se jkun imtella’ programm speċjali min ġewwa s-suq fil-Belt Valletta. Waqt dan il-programm se jingħataw dettalji tal-programazzjoni ta’ TVM Sport madwar ix-xhar li fiih se jkunu qed jintlagħbu l-logħbiet ta’ din il-kompetizzjoni.

TVM u TVM2 se jkunu qed ixandru b’mod dirett l-64 logħba kollha ta’ din l-edizzjoni li se ssir fir-Russja. It-Tazza tad-Dinja tal-FIFA tibda fl-14 ta’ Ġunju.

Miktub minn...
TVM Sport
.
Aħbarijiet Oħra
Futbol internazzjonali

Chelsea ġew sospiżi għal żewġ transfer windows mill-FIFA u mwaħħla 600,000 frank żvizzeru wara li nstabu ħatja li kisru Artiklu 19 tar-regolamenti dwar reġistrazzjonijiet tal-plejers. Il-FIFA qalu li Chelsea kisru…

Futbol internazzjonali

Illum wara nofsinhar telgħu l-poloz tal-aħħar sittax tal-kompetizzjoni tal-UEFA Europa League. L-ewwel leg jintlagħab fis-7 ta’ Marzu mentri t-tieni leg jintlagħab fl-14 ta’ Marzu. Il-poloz kollha huma dawn: Chelsea –…

Futbol internazzjonali

Il-UEFA ħarġet stqarrija dwar l-użu tal-VAR fil-logħba tar-Round tas-16 taċ-Champions League nhar l-Erbgħa li għadda, fejn Manchester City barra minn darhom għelbu lil Schalke bl-iskor ta’ 3-2. Dan wara li…

Futbol internazzjonali

Illejla tibda s-27 ġurnata tal-Kampjonat Premier Ingliż b’żewġ logħbiet li t-tnejn jibdew fid-20:45. Fil-Cardiff City Stadium, Cardiff jilqgħu lil Watford filwaqt li fl-Olympic Stadium ta’ Londra, West Ham jilagħbu kontra…

Aktar