Sports Internazzjonali
Skiing: Lindsey Vonn tniżżel is-siparju fuq il-karriera tagħha

L-atleta Lindsey Vonn temmet il-karriera tagħha b’midalja tal-bronż fl-Alpine World Championships li saru f’Are. Vonn, li fil-karriera tagħha bħala skiier rebħet numru kbir ta’ midalji kienet ħasdet lil kulħadd meta ħabbret li ser tirtira wara dawn il-kampjonati. L-Amerikana ġabet fit-tmiem karriera ta’ madwar għoxrin sena, li iżda fl-aħħar snin kienet imtappna minn sensiela t’intoppi minħabba diversi injuries.

Wara li t-Tlieta li għadda kellha ħmar il-lejl fil-kompetizzjoni Super-G, meta spiċċat inqalbet fuq is-silġ, ilbieraħ tat ftit tat-togħma lill-pubbliku preżenti ta’ x’kienet issarraf meta kienet għadha fl-aqwa tagħha. Vonn, t’34 sena, żiedet fir-ritmu u momentarjament kellha l-aħjar ħin, li iżda kein imtejjeb mill-Islovena Ilka Stuhec li fl-aħħar mill-aħħar rebħet il-midalja tad-deheb.

Vonn kienet milqugħha minn Ingemar Stenmark, skiier Żvediż li fil-karriera tiegħu rebaħ 86 midalja tad-deheb fit-Tazza tad-Dinja tal-iskiing, filwaqt li l-Amerikana rebħet 82.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

“Meta tiġi iftħilha l-bieb,” jgħid il-qawl Malti u t-tim tal-Williams żgur li diġa’ qegħdin iħossu pressjoni kbira meta l-istaġun tal-Formula 1 fadallu inqas minn xahar sabiex jibda. Wara sena diżastruża…

Motorsport

L-Estonjan Ott Tanak rebaħ ir-Rally tal-Iżvezja fuq il-karozza Toyota biex issa mar fuq quddiem fil-Kampjonat Dinji tar-Rally għall-ewwel darba fil-karriera tiegħu. Il-Finlandiż Esapekka Lappi spiċċa t-tieni fuq il-karozza Citroen, filwaqt…

Sports Internazzjonali

Skiing freestyle fit-toroq Awstrijaċi tar-resort turistiku f’Bad Gastein. Din kienet attività organizzata mir-Red Bull li ssir apposta f’toroq ta’ lokalitajiet differenti madwar id-dinja. Kien l-Amerikan Nick Goepper li ħareġ rebbieħ…

Motorsport

Il-Finlandiż Teemu Suninen kien l-aħjar fl-ewwel ġurnata tar-Rally tal-Iżvezja meta fuq il-karozza M-Sport Ford spiċċa żewġ sekondi netti quddiem l-Estonjan Ott Tanak fuq it-Toyota, bin-Norveġiż Andreas Mikkelsen jidħol it-tielet fuq…

Aktar